Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, ишғалчы АБШ ордусуна лазым олан аваданлыг вә ләвазиматлары дашыјан Америка тәҹавүзкар коалисијасынын лоҝистика карваны Ирагын ҹәнубунда јол кәнарына јерләшдирилән бомбанын һәдәфинә чеврилиб.
Партлајыш Зигар вилајәтинин Әл-Насиријә шәһәри јахынлығында баш вериб. АБШ, һәмишәки кими иткиләр барәдә мәлуматы сенсур едир.
Ираг медиаларында билдирилир ки, конвојлар Күвејт сәрһәдиндән Ирага дахил олуб вә ишғалчы АБШ һәрбчиләринә лазым олан әшјалары дашыјыб. Амма америкалылар исә партлајыш горхусундан аваданлығы дашымаг үчүн Ираг нәглијјат ширкәтләриндән истифадә едибләр.
Гејд едәк ки, АБШ Ишғалчы Коалисијасынын лоҝистика карванлары һәфтәдә бир нечә дәфә, бәзән исә ҝүндә бир нечә дәфә јол кәнарына јерләшдирилән бомбаларын һәдәфинә чеврилир.
Ираглы груплар Ираг парламентинин гәбул етдији гәрардан сонра Ираг һөкумәтинин хариҹи гошунлары Ирагдан чыхармалы олдуғуну тәкид едирләр.
Диггәт: Хәбәрдән Истифадә Етдикдә Мәнбәјә Истинад Лазымдыр!
