АБНА24 Хәбәр Верир , Калифорнијанын Алмаден вадисиндә јерләшән Хабад Еви синагогу тәхминән 2 ај әввәл баш вермиш јанғын нәтиҹәсиндә тамамилә јарарсыз вәзијјәтә дүшүб. Онун бәрпасына исә ҝөзләнилмәз мәнбә – Азәрбајҹан һөкумәти дәстәк верир.
Азәрбајҹан Республикасынын Лос-Анҹелесдәки баш консулу Нәсими Ағајев бу барәдә өлкәсинин хејријјәчилијини әсасландырмаға чалышыб. Дипломат Жеwисһ Wееклј нәшри илә мүсаһибәдә дејиб: “Бу, әһалисинин әксәријјәти мүсәлман олан, мүсәлманларла јәһудиләр арасында сүлһүн мүмкүн олдуғуну ҝөстәрән Азәрбајҹанын конфессијаларарасы һармонија вә анлашмаја дәстәклә бағлы узун илләрдир јүрүтдүјү сијасәтлә үст-үстә дүшүр”.
Ағајев синагогун бәрпасына малијјә јардымы ајрылаҹагларыны илк дәфә бу ил јанварын 27-дә “Тwиттер” һесабындан бәјан етмишди. “Өтән илин декабрында баш вермиш јанғын нәтиҹәсиндә Сан-Хоседәки Хабад Еви синагогунун дағылдығыны өјрәндим вә бу, мәни кәдәрләндирди. Синагогун тәнтәнәли ачылышыны сәбирсизликлә ҝөзләјирәм”, - дејә баш консул о заман билдирирди.
Јәһуди раввин Мендел Вајнфелд Азәрбајҹанын синагога јардымыны әсас инанҹын инанылмаз ифадәси кими характеризә едиб.
Раввин Азәрбајҹан һөкумәтинин бу ишә нә гәдәр малијјә ајырдығыны ачыгламајыб. Мәбләғи азәрбајҹанлы консул да дилә ҝәтирмәјиб.
Нәсими Ағајев Исраилә хош ҝәлсин дејә, ону да билдириб ки, Фарс көрфәз бөлҝәсиндәки достлары илә дә әлагә сахлајыб, онлардан Хабад синагогунун бәрпасына јардым ҝөстәрмәләрини хаһиш едиб.
Гејд едәк ки, дипломатик корпусун "хејирхаһлығы" Азәрбајҹанда наразылыгла гаршыланыр вә әһали зәнҝин јәһудиләрә аид синагогун деји, Гарабағ мүһарибәси нәтиҹәсиндә дағылмыш мәсҹидләрин бәрпасына өнәм верилмәсини ваҹиб һесаб едир.
342/
18 fevral 2022 - 09:44
Xəbər kodu: 1230730
Азәрбајҹан һөкумәти Лос-Анҹелесдә јанғын нәтиҹәсиндә дағылмыш Хабад синагогунун бәрпасына јардым ҝөстәрир.
