"Һәр шеј Русијанын Украјнаја һүҹума һазырлашдығыны ҝөстәрир"

АБНА24 Хәбәр Верир , АБШ лидери һәләлик Русија Президенти Владимир Путинлә данышыгларын планлашдырылмадығыны вурғулајыб.

АБШ-ын дөвләт катиби Ентони Блинкен исә Мүнһен Тәһлүкәсизлик Конфрансына ҝетмәдән өнҹә Нју-Јоркда БМТ Тәһлүкәсизлик Шурасынын Украјна илә бағлы “Русијанын сүлһ вә тәһлүкәсизлијә тәһдид" ады алтында кечирилән сессијасында чыхыш едиб. О, гејд едиб ки, Русија Украјнаја гаршы һүҹума һазырлашыр.

Дөвләт катиби чыхышында АБШ-ын нијјәтинин Русијанын иддиа етдији кими мүһарибәјә башламаг дејил, ону дајандырмагдан ибарәт олдуғуну сөјләјиб.

Блинкен иддиа ки, сүбутлар Русијанын Украјнаја јахынлашан һүҹумуна доғру ирәлиләдијини ҝөстәрир. О, Москванын тәхминән 150 000 әсҝәрини Украјна илә сәрһәдләрдән узаглашдырмасы илә бағлы иддиаларыны мүнасибәт билдириб: “Русија бу гүввәләри ҝери чәкдијини дејир. Биз бунун һеч јердә баш вердијини ҝөрмүрүк. Мәлуматларымыз ачыг шәкилдә ҝөстәрир ки, гуру гошунлары, тәјјарә ҝәмиләри дә дахил олмагла, бу гүввәләр јахын ҝүнләрдә Украјнаја гаршы һүҹума һазырлашыр. Һадисәләрин неҹә олаҹағыны билмирик”.

О, Русијанын мәсәләни сүлһ солу илә һәллинә чағырыб.

Бу арада Британијанын Мүдафиә Назирлији Русијанын Украјнаја мүдахиләсинин мүмкүн истигамәтләрини әкс етдирән хәритә дәрҹ едиб.

Британија һәрбчиләринин фикринҹә, Русија гошунлары гәрб бөлҝәләриндән Кијев вә Днепр, Крымдан Азов саһилләри бојунҹа вә Беларус әразисиндән Кијевә, еләҹә дә Крымдан Одессаја доғру һәрәкәт едәҹәкләр.

АБШ вә Британијанын бу кими иддиаларла чыхыш етмәләринә бахмајараг, БМТ-нин баш катиби Антонио Гутерреш һесаб едир ки, Украјнада мүһарибә олмајаҹаг.

Гутерреш билдириб ки, никбинлик үчүн сәбәб вар. Һеч бир тәрәф вәзијјәтин мүмкүн дипломатик һәллинә “гапсыыны бағламајыб”. Чүнки бир тәрәфдән ҝәрҝинлик риторикасынын вә ҝәрҝинлијин артмасы, диҝәр тәрәфдән исә “мүхтәлиф сәвијјәләрдә чох актив дипломатија” мүшаһидә олунур.



342/