АБНА24 Хәбәр Верир , Иранын Хариҹи Ишләр Назирлијинин мәтбуат катиби Сәид Хәтибзадә базар ертәси ҝүнү кечирдији һәфтәлик брифингдә Вјана данышыглары илә бағлы әлавә едиб: "Вјана данышыглары әввәлки кими давам едир вә АБШ вә үч Авропа өлкәсинин ирадәси нә гәдәр ҝүҹлү оларса, разылыға ҝәлмәк үчүн мәсафә бир о гәдәр гыса олар.
Иранын дипломатија апаратынын сөзчүсү јени ҝүнәш илиндн әввәл вә февралын сонуна гәдәр разылығын мүмкүн олуб-олмајаҹағы илә бағлы суалын ҹавабында исә дејиб: "Әҝәр АБШ вә Авропа тәрәфи Иранын тәшәббүсүнә нүвә анлашмасы чәрчивәсиндә ҹаваб верәрсә вә милләтин һүгуглары вә Иран Ислам Республикасынын масаја гојдуғу мәнтигә әмәл едиләрсә, февралын сонуна еһтијаҹ јохдур вә разылашма мүмкүн гәдәр тез бир заманда елан едилә биләр".
Иранын Хариҹи Ишләр Назирлијинин мәтбуат катиби Иранын неҹә бир тәминат ахтардығы илә бағлы суала ҹаваб олараг, гејд едиб ки, АБШ етибарлы дејил, она ҝөрә дә објектив тәминатлар алынмалыдыр ки, бејнәлхалг һүгуг вә мүнасибәтләр АБШ һөкумәти тәрәфиндән бир даһа әлә салынмасын.
Хәтибзадә Украјнадакы һадисәләр вә бу өлкәдә јашајан иранлылар үчүн ҝөрүлән тәдбирләрлә бағлы дејиб: "Украјнадакы просесләри јахындан изләјирик вә Русија илә Украјна арасында ҝәрҝинлијин артмасындан нараһатыг".
Хәтибзадә Украјнада јашајан Иран вәтәндашлары һаггында да дејиб: "Иранын Кијевдәки сәфирлији лазыми ачыгламалар вериб, Украјнада јашајан иранлыларла әлагә сахлајыр вә Украјнадакы вәзијјәт јахындан изләнилир".
Иранын Хариҹи Ишләр Назирлијинин сөзчүсү шәһид Гасим Сүлејманин террор едилмәси илә бағлы Иран вә Ирагын мәһкәмә органлары арасында апарылан данышыгларла бағлы дејиб: "Иранын хариҹи ишләр назири бу мәсәләни ҹидди шәкилдә тәгиб едиб вә бу мөвзуда Ираг рәсмиләри илә данышыглар давам едир".
342/
15 fevral 2022 - 15:28
Xəbər kodu: 1229865
Иранын Хариҹи Ишләр Назирлијинин мәтбуат катиби дејиб: "Вјана мүзакирәләриндә һеч бир чыхылмаз вәзијјәт јохдур вә Иран Гәрб тәрәфләринин сијаси гәрарларыны ҝөзләјир".
