АБНА24 Хәбәр Верир, сон ҝүнләр Президент Администраскијасынын сабиг рәһбәри Рамиз Меһдијевлә бағлы ајры-ајры танынмыш елм адамларынын вә Милли Мәҹлисин бир сыра үзвләринин өлкә рәһбәрлијинә чағырышда булунмасы АМЕА әтрафында ҹәрәјан едән олајларын кулиминасија нөгтәси кими характеризә олунмагдадыр. Онлар Милли Елмләр Академијасынын президентини интригачылыгда, елми мүһити корламагда иттиһам едирләр. Р.Меһдијев исә ону истефаја сәсләјәнләр һагда ағыр ифадәләр ишләдәрәк, депутатларын сахта јолла сечилдикләрини иддиа едиб.
АМЕА Мәтбуат хидмәтинин адындан јајылан ачыгламада исә Рамиз Меһдијеви тәнгид едәнләрә гаршы “автобус, јахуд ҹиб мүхалифәти” сөзләри ишләдилиб. Милли Мәҹлисин депутатларына “әнәнәви нөвбәтчи троллар” дејилиб. Бу ифадәләрә милләт вәкилләри Етибар Әлијев вә Фәзаил Ағамалы сәрт шәкилдә өз етиразларыны билдирибләр.
Милли Мәҹлисин сәдр мүавини Адил Әлијев АМЕА президентинә ҹаваб олараг “Гафгазинфо”ја ҝөндәрдији ачыгламасында бунлары дејиб: “Рамиз Меһдијев фәалијјәти илә бағлы һаглы ирад вә суаллара ҹаваб вермәк әвәзинә, нифрәт вә кин пүскүрүр”.
Ана Вәтән Партијасынын сәдри, Милли Мәҹлисин депутаты Фәзаил Ағамалы исә дејиб ки, Меһдијев өзүнүн мәнәви дүнјасыны, бахышлар системини вә характерини ортаја гојмагдадыр.
Милләт вәкили АМЕА сәдринә гаршы конкрет иттиһам да ирәли сүрүб. “Русија ону “президент” етмәк истәјирди. Улу өндәр Һејдәр Әлијевин сәһһәтиндә јаранмыш проблемләрдән истифадә едиб әхлага вә мәнәвијјата сығмајан бир шәкилдә һаким команданын үзвү олмасына бахмајараг, мүхалифәтлә иш бирлији гурмаға чалышырды. Ҝениш шәкилдә тәблиғат апарырды ки, ҝуја Рамиз Меһдијев Һејдәр Әлијевдән сонра Азәрбајҹанда јеҝанә “сијасәтчидир” вә командада ән ҝүҹлү адамдыр, перспективли бир шәхсдир. Бу кими “етикетләрлә” өзүнү ҹәмијјәтә сырымаға чалышырды.”
Мараглыдыр ки, Рамиз Меһдијев ҝери чәкилмәк нијјәтиндә олмадығыны бир даһа медианын диггәтинә чатдырыб.
Академик дејиб ки, ону бу вәзифәјә АМЕА-нын үмуми јығынҹағы сечиб вә президент Илһам Әлијев дә тәсдигләјиб. Бу сәбәбдән дә ону истефаја ҝөндәрмәк сәлаһијјәти дә дөвләт башчысына мәхсусдур.
Гејд едәк ки, 2019-ҹу илдән ПА-дан чыхарылан Рамиз Меһдијев Азәрбајҹан Милли Елмләр Академијасынын рәһбәрлијинә ҝәтирилди.
Һәмин бу шәхсин индијәдәк өз креслосуну горујуб сахламасы онунла әлагәләндирилир ки, Рамиз Меһдијев Русијанын Азәрбајҹан һакимијјәтиндәки адамыдыр.
Кечмиш депутат Елтон Мәммәдов бу һагдаг конкрет.аз портал илә мүсаһибәдә факт да ортаја гојуб. “Меһдијевин Русија илә әлагәләри Совет вахты Мәркәзи Комитәинин катиби олмуш Романовун вахтларындан башлајыр. Һәлә о замандан Рамиз Меһдијев Русија илә јахын иди. Тәбии ки, сонрадан хидмәти вәзифәси илә дә әлагәдар Русијаја давамлы сәфәрләри олуб вә бу сәфәрләр бојунҹа Русија илә даһа да јахынлашыб. Һәр һалда Путинин онун бојнундан медал асмасы да тәсадүфи сајыла билмәз”.
Бу реаллығы нәзәрә алараг, президент Илһам Әлијев Рамиз Меһдијеви вәзифәсиндән азад етмәз.
АМЕА сәдринин өзүнү архајын һисс етмәси дә бу амиллилә бағлыдыр.
342/
12 fevral 2022 - 11:36
Xəbər kodu: 1228737
Азәрбајҹан Милли Елмләр Академијасынын президенти Рамиз Меһдијевин истефасы тәләб олунур, академик исә мүгавимәт ҝөстәрир.
