АБНА24 Хәбәр Верир, Һизбуллаһ ливанлылары Американын тәзјиги алтында сәрһәдләрин мүәјјән едилмәси мәсәләсиндә Ливанын там һүгугларыны нәзәрә алмајан һәр һансы тәклифи гәбул етмәмәјә чағырыб.
Һизбуллаһын Иҹраијјә шурасынын сәдр мүавини Шејх Әли Дәмуш дејиб: "АБШ администрасијасы дәниз сәрһәдләринин демаркасијасы данышыгларында васитәчи елчиси васитәсилә Ливаны шантаж етмәјә чалышыр".
"АБШ өлкәнин кечирдији игтисади вә малијјә бөһранындан суи-истифадә едәрәк, демаркасијасы вә нефт-газ јатаглары мәсәләсиндә ҝүзәштә ҝетмәси үчүн она тәзјиг ҝөстәрир. Еләҹә дә бәзи тәклифләрлә Ливаны тәдриҹән дүшмәнлә нормаллашма системинә ҹәлб етмәјә чалышыр", - дејә о, вурғулајыб.
Шејх Әли Дәмуш әлавә едиб: "Биз дүшмәнлә нормаллашманын истәнилән формасыны рәдд едирик вә ливанлылар Американын тәзјиги алтында сәрһәдләрин мүәјјән едилмәси вә нефт јатаглары мәсәләси илә бағлы Ливанын там һүгугларыны нәзәрә алмајан һеч бир тәклифи гәбул етмәмәлидирләр".
АБШ өтән октјабрын 3-дә Ливан илә сионист режим арасында дәниз сәрһәдинин мүәјјән едилмәси илә бағлы данышыглары бәрпа етмәк үчүн јени васитәчи тәјин едиб.
342/
12 fevral 2022 - 11:35
Xəbər kodu: 1228736
Һизбуллаһын Иҹраијјә Шурасынын сәдр мүавини хәбәрдарлыг едиб ки, АБШ сәрһәдләрин мүәјјән едилмәси мәсәләсиндә Ливаны шантаж едир вә данышыглары нормаллашмаја доғру јөнәлдир".
