АБНА24 Хәбәр Верир, АБШ һөкумәти Украјнадакы бүтүн вәтәндашларыны бу өлкәни дәрһал тәрк етмәјә чағырыб.
АБШ президентинин милли тәһлүкәсизлик үзрә мүшавири Ҹејк Салливан бу барәдә дејиб: “Биз Кијевдәки сәфирлијимиздә әмәкдашларымызын сајыны азалтмаға давам едирик. Украјнада галан бүтүн америкалы вәтәндашлары өлкәни дәрһал тәрк етмәјә чағырырыг. Риск кифајәт гәдәр бөјүкдүр”.
Бунунла белә Ҹејк Салливан вурғулајыб ки, Авропада дислокасија олунан АБШ һәрбчиләри Украјна әтрафында мүһарибә оларса, Русија илә савашмајаҹаглар. АБШ һәрбчиләри јалныз НАТО үзрә мүттәфигләрини мүдафиә едәҹәкләр.
Пентагон бир аз әввәл мәлумат јајыб ки, даһа 3000 америкалы һәрбчи ҝәлән һәфтә Полшаја ҝөндәриләҹәк.
ҸНН бу арада хәбәр јајыб ки, АБШ Украјна әтрафындакы ҝәрҝинлијә ҝөрә АТӘТ-ин Минск групуна дахил олан мүшаһидәчиләрини дә Украјнадан чыхармаг нијјәтиндәдир.
Инҝилтәрәнин Хариҹи Ишләр Назирлији дә вәтәндашларыны Украјнаја ҝетмәкдән чәкиндириб. Украјнада оланлара исә коммерсија нәглијјаты әлчатан икән өлкәни тәрк етмәк төвсијә олунуб.
Әлавә едилиб ки, Русијанын Украјнада истәнилән һәрби әмәлијјаты Кијевдәки Инҝилтәрә сәфирлијинин ишинә ҹидди тәсир едәҹәк.
Диҝәр тәрәфдән АБШ Президенти Ҹо Бајден февралын 11-дә Авропа лидерләри илә данышыглар апарыб. Һесаб олунур ки, сөһбәтин әсас мөвзусу Украјна әтрафындакы ҝәрҝинлик олуб.
Пентагон бир аз әввәл мәлумат јајыб ки, даһа 3000 америкалы һәрбчи ҝәлән һәфтә Полшаја ҝөндәриләҹәк. Гурумдан верилән мәлумата ҝөрә, Пентагон рәһбәри Ллојд Остин АБШ 82-ҹи һава-десант дивизијасынын галан 3 минини Полшаја ҝөндәрмәк барәдә әмр вериб.
НАТО-нун Баш катиби Јенс Столтенберг исә Украјна әтрафында “истәнилән ссенаријә” һазыр олдугларыны бәјан едиб.
Столтенберг АБШ президенти вә диҝәр гәрб өлкәләринин лидерләри илә “Украјнаја гаршы јүксәк тәҹавүз рискини” мүзакирә етдијини дејиб. Бу барәдә о, Тwиттер-дә јазыб.
Әсәб мүһарибәсинин гызышдығы шәраитдә Русија Гәрб дөвләтләрини провакасијаны шиддәтләндирмәкдә иттиһам едиб.
Бунунла бағлы АБШ һәрбчиләринин Полшаја ҝөндәрилмәсини АБШ-ын истерикасы адландыран Русија Хариҹи Ишләр Назирлијинин сөзчүсү Марија Захарова дејиб: “Англосакслар мүһарибә истәјирләр. Американын һәрби-сијаси машыны инсан өмүрләрини әзмәјә һазырдыр.”
Русија ХИН-дән һәмчинин гејд едибләр ки, гәрб мәтбуаты “Русијанын тәҹавүзү” барәдә һәгигәтә ујғун олмајан мәлуматлар јајмагла өлкәләринин исјаси сифаришини јеринә јетирир.
Русијанын АБШ-дакы сәфири Анатоли Антонов да Москванын тезликлә Кијевә мүдахиләси илә бағлы ачыгламалара мүнасибәт билдириб.
О, гәрблиләри Русијаја гаршы тәблиғат кампанијасыны ҝүҹләндирмәкдә вә иҹтимаијјәтдә гачылмаз тәҹавүз барәдә тәсәввүр јаратмагда ҝүнаһландырыб.
342/
12 fevral 2022 - 11:31
Xəbər kodu: 1228731
Украјна илә Русија арасында ҝәрҝинлијин артмасы илә бәзи өлкәләр Кијевдәки дипломатик нүмајәндәликләринин фәалијјәтини мәһдудлашдырырлар.
