Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Аллаһ Ордусу олан Ислам Ингилабы Кешикчиләри Корпусунун-Сепаһын узун мәнзилли Хејбәри Гыран стратежи ракетинин нүмајиши етдириб. Мәрасимдә Иран Ислам Республикасынын Силаһлы Гүввәләрин Баш Гәрарҝаһ рәиси ҝенерал-мајор Мәһәммәд Багири иштирак едиб.
Бу ракет бәрк јанаҹагла ишләјир вә ениш мәрһәләсиндә ракет галханындан кечмәк үчүн маневр габилијјәтинә маликдир. Онун оптимал дизајны охшар моделләрлә мүгајисәдә чәкисини үчдә бир, һазырлыг вә атыш мүддәти исә алтыда биринә ендирилиб.
Һәддиндән артыг чевиклик вә 1450 км мәсафәдәки һәдәфләри вурма сүрәти бу ракетин диҝәр имканларыдыр.
Идејадан мәһсула гәдәр бу үмумИран системи Ислам Ингилабы Кешикчиләри Корпусунун Һәрби Һава Гүввәләринин зәһмәткеш вә диндар алимләри тәрәфиндән лајиһәләндирилиб вә инша едилиб.
Гејд едәк ки, “Хејбәр” Ислам тарихиндә јәһудиләрин алынмаз галасынын ады иди ки, Мәдинәдә јәһудиләрлә мүһарибәдә Имам Әли (әлејһи сәлам) 40 кишинин галдыра биләҹәји бу галанын дарвазасыны тәкбашына, Аллаһын Гүдрәти илә јериндән гопарараг канал үзәринә гојуб, мүсәлманлар үчүн кечид дүзәлдмишдир.
Диггәт: Хәбәрдән Истифадә Етдикдә Мәнбәјә Истинад Лазымдыр!
