АБНА24 Хәбәр Верир, “Шимал-Ҹәнуб Дәһлизинин гызыл көрпүсү” сәрлөвһләли мәгадә Иран-Азәрбајҹан сәрһәдиндә Астарачај көрпүсүнүн тикинтисинин үстүнлүкләри барәдә дејилир: Иран һөкумәтинин нәглијјат саһәсиндә мүһүм мәгсәдләриндән бири гоншу өлкәләрлә әлагәләрин ҝенишләндирилмәси, јени тиҹарәт вә транзит имканларынын јарадылмасыдыр. Мүгавимәт игтисадијјаты сијасәтләринин һәјата кечирилмәсинә вә өлкәнин бешинҹи вә алтынҹы инкишаф планларына ҝөрә, һәр ил Иранда трансит саһәсиндә 10% артымын шаһиди олмалыјдыг. Һөкумәт нәглијјат инфраструктуруну инкишаф етдирмәклә, тиҹарәт вә транзит ганунларыны асанлашдырмагла, хүсусилә реҝион өлкәләри илә тиҹарәтдә транзит малларынын дашынмасындан валјута ҝәлирләрини артырмаг нијјәтиндәдир.
Мүвафиг олараг, нәглијјатын мүхтәлиф саһәләриндә инфраструктурун гурулмасы саһәсиндә јени план вә програмлар һәјата кечирилир. Бу арада ән чох тиҹарәт мүбадиләсинин апарылдығы мәнтәгәләрдән бири Иранла Азәрбајҹанын Астара сәрһәдидир. Астарада дәмир јолу, дәниз, автомобил вә ҝөмрүк сәрһәдләри вар. Гуру сәрһәдиндә һазырда 450-јә јахын јүк машыны һәр ҝүн Астара сәрһәдиндән кечир. Лакин Астара көрпүсүнүн көһнә олдуғуна хатир јени көрпүнүн тикинтиси ҝүндәмдәдир вә бу јахынларда Иранын јол вә шәһәрсалма назири Рүстәм Гасиминин Азәрбајҹан Республикасына сәфәри заманы ики өлкә арасында көрпүнүн тикинтисинә даир сазиш имзаланды.
Иранын Јол вә Нәглијјат Тәшкилатынын Бејнәлхалг Транзит вә Нәглијјат Бүросунун баш директору Ҹавад Һидајәти “Иран”а мүсаһибәсиндә јени көрпүнүн тикинтисинә тохунараг дејиб: Икинҹи Дүнја Мүһарибәси заманы тикилмиш метал көрпү артыг тәләбата ҹаваб вермир. Азәрбајҹан Республикасы, Русија вә Аврасија реҝиону илә тиҹарәтин инкишафы илә әлагәдар өлкәдә транзит вә дашымаларын бөјүк һиссәсинин сәрһәдјаны Астара рајонундан һәјата кечирилдијини нәзәрә алараг, јени көрпүнүн иншасы барәдә сазиш имзаланды.
Онун сөзләринә ҝөрә, бу реҝионда дашымаларын артмасынын бир һиссәси Азәрбајҹана, диҝәр һиссәси исә Ҝүрҹүстан, Русија, Аврасија өлкәләри вә Шәрги Авропаја транзит олунан јүкләрлә бағлыдыр.
Һидајәти гејд едир ки, Астаранын нәглијјат инфраструктурунда әсаслы дәјишикликләр едиләҹәк. Вә јени көрпү Астара шәһәриндә дәмир јолу көрпүсү вә дәмирјол вағзалы илә битишик олаҹаг. Көрпүдән һәр ҝүн тәхминән мин јүк машынынын кечмәси тәмин едиләҹәкдир, бу исә дашымаларда азы ики дәфә артым демәкдир.
Иран гәзети өз репортажынын давамында јазыр ки, дәмир јолу көрпүсүнүн јанында салынан бу көрпү транзитин асанлашдырылмасы вә реҝион игтисадијјаты үчүн ҝәлир ҝәтирән мәнбә олаҹаг. Бу көрпү Иран Астарасыны Бакыја говушдурур вә шимал-ҹәнуб дәһлизинин бир һиссәсидир. Астарачај көрпүсү Иранын Гафгаз, Русија, Мәркәзи Асија вә Шимали Авропаја, Азәрбајҹан Республикасынын исә Фарс көрфәзинә вә Оман дәнизинә чыхышыны тәмин етмәкдә һәјати рол ојнајаҹагдыр.
342/
9 fevral 2022 - 08:47
Xəbər kodu: 1227659
Иран гәзети билдирир ки, Астарачај транзит көрпүсүнүн иншасы ҹәнуб өлкәләрини Иран үзәриндән Гафгаза, Русијаја, Аврасија реҝионуна вә Шимали Авропаја говушдураҹаг, Иран јолу илә јүк транзитини икигат артыраҹагдыр.
