АБНА24 Хәбәр Верир, Гондарма Дағлыг Гарабағ Республикасы “парламент”инин гәбул едәҹәји “ганун лајиһәси”нә Азәрбајҹанын ишғалдан азад етдији әразиләрлә – кечмиш Дағлыг Гарабағ Мухтар Вилајәтинә дахил олан Шуша, Һадрут вә диҝәрләри дә дахил едиләҹәк.
Хатырладаг ки, сепаратчы режимин “Хариҹи Ишләр назири” Давид Бабајан өтән һәфтә билдириб ки, онлар “мүһарибәјә гәдәр нәзарәт етдикләри әразиләри, үстәлик Шаумјан вә Ҝеташен”и мәлум “гануна” дахил етмәји планлашдырырлар.
Јенисабаһ порталына данышан “Атлас Арашдырмалар Мәркәзи”нин сәдри, сијаси шәрһчи Елхан Шаһиноғлу мәсәләјә белә јанашыб:
“Онлар өз “мөвҹудлугларыны” сүбут етмәјә чалышырлар ки, ҝуја һәлә варлар, тәслим олмајыблар вә фәалијјәтләринә давам едирләр. Амма мүмкүн дејил, чүнки Азәрбајҹан һәдәфләринин 80%-нә чатыб, әразиләрин бөјүк һиссәси азад едилиб. Лакин һәлә дә ишғал алтында олан әразиләр вар вә о әразиләри дә азад етмәлијик.”
Политолог сонра дејиб: “Русијалы һәрбчиләр вар дејә өзләрини “гәһрәман” кими һисс едирләр вә дүшүнүрләр ки, онлар тәһлүкәсизликдәдирләр. Амма анламалыдырлар ки, узагбашы 4 ил тәһлүкәсиз јашаја биләрләр. 10 нојабр бәјанатына ҝөрә, русијалы сүлһмәрамлылар 5 ил бөлҝәдә олаҹаг вә тәрәфләрдән бири 6 ај галмыш десә ки, артыг русијалы һәрбчиләрә еһтијаҹ јохдур, бу заман русијалы һәрбчиләр бөлҝәни тәрк едәҹәк.”
Елхан Шаһиноғлу һесаб едир ки, Мүдафиә Назирлији илә јанашы, Хариҹи Ишләр Назирлијинин дә чох кәскин бәјанатлары олмалыдыр. Сепаратчылар тәрксилаһ олунмалы, кечмишдә азәрбајҹанлыларын јашадығы мәнтәгәләр, Шушанын кәндләри, еләҹә дә Хоҹалы гәсәбәси бошалдылмалыдыр.
342/
8 fevral 2022 - 11:15
Xəbər kodu: 1227321
Гарабағдакы гондарма режимин февралын 20-дә гәбул едәҹәји “ганун лајиһәси” сијаси зәминдә чох бөјүк тәпки илә гаршыланыб.
