Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Нахчыван МР-дан транзит кечмәклә Полшаја декоратив даш вә һамам ләвазиматы апаран, Түркијә вәтәндашынын идарә етдији 76ААҺ601/76ААЖ764 дөвләт нөмрә нишанлы “Мерседес-Бенз” маркалы нәглијјат васитәсинә Ҹулфа дөвләт сәрһәдиндән бурахылыш мәнтәгәсиндә риск мәлуматы әсасында ҝөмрүк бахышы һәјата кечирилиб.
Дөвләт Ҝөмрүк Комитәсиндән верилән мәлумата ҝөрә, јохлама заманы нәглијјат васитәсинин гошгусуна јүкләнмиш 51 әдәд душ кабин үчүн пластик ванна алтлығында хүсуси үсулла ҝизләдилмиш, үмуми чәкиси 102 килограм 740 грам олан наркотик васитә - һероин ашкар едилиб.
Һәмин нәглијјат васитәсинин ардынҹа мухтар республика әразисинә транзит ҝириш едән, һәрәкәт маршруту, јүкү, идхалатчы вә ихраҹатчынын реквизитләри ејни олан, Түркијә вәтәндашынын идарә етдији 76ААҺ493/76ААК425 дөвләт нөмрә нишанлы “Мерседес-Бенз” маркалы нәглијјат васитәсинә Ҹулфа дөвләт сәрһәдиндән бурахылыш мәнтәгәсиндә ҝөмрүк бахышы һәјата кечирилән заман исә нәглијјат васитәсинин гошгусуна јүкләнмиш 2 әдәд душ кабин үчүн пластик ванна алтлығында ҝизләдилмиш үмуми чәкиси 4 килограм 230 грам олан наркотик васитә - һероин ашкар олунуб. Охшар ҝизләтмә үсулундан истифадә едилмәклә төрәдилмиш һәр ики гачагмалчылыг әмәли үзрә ашкарланмыш наркотик васитәнин үмуми халис чәкиси 106 килограм 970 грам тәшкил едиб.
Гејд олунан фактларла бағлы Нахчыван МР Дөвләт Ҝөмрүк Комитәсинин Истинтаг бөлмәсиндә Ҹинајәт Мәҹәлләсинин 206.2-ҹи маддәси илә ҹинајәт иши башланылыб.
Диггәт: Хәбәрдән Истифадә Етдикдә Мәнбәјә Истинад Лазымдыр!
