АБНА24 Хәбәр Верир, АБШ рәсмиләри иддиа едибләр ки, Русија Украјнанын ишғалы үчүн лазым олан гүввәләрин тәхминән 70%-ни һазырлајыб.
“Рөјтерс” бу барәдә билдириб ки, әҝәр Русија Кијеви ишғал етмәк гәрарына ҝәлсә, Украјна пајтахты бир-ики ҝүнә алынаҹаг: “АБШ-ын һесабламаларына ҝөрә, һәрби әмәлијјатлар заманы Украјнанын һәрби иткиләри 5 мин-25 мин, Русијанын иткиләри 3 мин -10 мин, мүлки иткиләр исә 25 мин-50 мин нәфәр ола биләр. Бундан әлавә, АБШ рәсмиләри дејирләр ки, иримигјаслы һүҹум милјонларла инсанын дидәрҝин дүшмәсинә сәбәб олаҹаг”.
Әсәб мүһарибәсинин дәринләшмәси илә јанашы хәбәр верилир ки, АБШ-дан 86 тон дөјүш сурсаты дашыјан сәккизинҹи тәјјарә Украјнаја учуб.
Бу барәдә Украјнанын мүдафиә назири Алексеј Резников мәлумат вериб.
О гејд едиб ки, јанварын 22-дән етибарән АБШ-дан Украјнаја 650 тондан чох мүдафиә техникасы ҝөндәрилиб.
Бу арада Британија 100-дән артыг хүсуси тәјинатлы һәрбчисини Украјнаја ҝөндәриб.
“Миррор” нәшринин јаздығына ҝөрә, Бөјүк Британијанын Баш назири Борис Ҹонсон вә Франса Президенти Еммануел Макрон НАТО-нун шәрг ҹинаһында јерләшән өлкәләрин Русијанын мүмкүн һүҹумларындан там горунмалары мәсәләсиндә разылыға ҝәлибләр:
“Бу мәгсәдлә Британијанын Хүсуси Һава Хидмәти вә Хүсуси Гајыг Хидмәти Украјна хүсуси тәјинатлыларына гијамчыларла мүбаризә тактикасы, снајпер вә тәхрибат мөвзусунда тәлим кечмәк үчүн Украјнаја ҝөндәрилиб”.
Нәшр артыг Русија илә гоншу Естонијада гыш һазырлығыны кечмиш 1500 британијалы һәрбчинин олдуғуну билдириб.
342/
6 fevral 2022 - 19:03
Xəbər kodu: 1226727
Украјна үстүндә Гәрб блоку илә Русија арасында әсәб мүһарибәси шиддәтләнир. АБШ вә Британија Украјнаја һәрбчи вә сусрсат дашымагла мәшғулдурлар.
