Әһли-Беjт (әлеjһимус сәлам) – Хәбәр Аҝентлиjи АБНА-нын вердиjи мәлумата әсасән, Апарылмыш тәдгигат ҝөстәриб ки, C витамини илә зәнҝин олан киви виссерал пиjин әримә сүрәтини артырыр.
Виссерал пиj гарын бошлуғунда jерләшир вә организмдә һормонларын ишини тәнзимләjир. Онун һәддиндән артыг олмасы потенсиал тәһлүкәләрлә нәтиҹәләнә биләр: хүсусилә, үрәк хәстәликләри риски артыр, чүнки виссерал пиjин тәркибинә спесифик кимjәви маддәләр дахилдир.
Алимләрин гәнаәтинә ҝөрә, бәзи мәһсулларын гәбулу бу ҹүр пиjләрин һәддиндән артыг мигдарындан азад олмаға организмә көмәк едир - бунунла әлагәдар олараг онлар кивини гәбул етмәjи төвсиjә едирләр.
"Нутриентс" журналында дәрҹ олунан тәдгигат нәтиҹәләринә ҝөрә, киви шәкәрин ганда сәвиjjәсинә нәзарәти jахшылашдырыр, бу исә пиjин вә чәкинин итирилмәси илә бағлыдыр. Тәдгигатда иштирак едәнләр һәр ҝүн 12 һәфтә әрзиндә 2 киви гәбул едирдиләр. Бу мүддәт битдикдә инсанларда плазмада C витамининин сәвиjjәсинин әһәмиjjәтли дәрәҹәдә артымы, һәмчинин диастолик вә систолик ган тәзjиги ҝөстәриҹиләринин азалмасы, бел вә бел-омба һиссәси нисбәтиндә азалма геjдә алынмышды.
"Кивинин тәркибинә һәзми jахшылашдыран актинидин ферменти дахилдир. Јахшы һәзм вә давамлы чәки азалмасы бир бирини jахшы тамамлаjыр", - деjә тәдгигатчылар геjд едирләр.
Алимләрин фикринҹә, азы 69 грам чәкидә бир дәнә кивинин тәркибиндә тәхминән 64 миллиграм C витамини вар. Мәһз о физики иш заманы бәдәндә пиjин әримәсини сүрәтләндирир. Бундан башга киви организмдән азад радикаллары хариҹ етмәjә көмәк едән холин, лjутеин вә зеаксантин дә дахил олмагла, диҝәр антиоксидантларын jахшы мәнбәjидир.
Тәдгигат мүәллифләринин фикринҹә, кивинин гәбулу вә мүнтәзәм физики мәшғәләләр виссерал пиjин мигдарыны әһәмиjjәтли дәрәҹәдә азалтмаға гадирдир, C витамини тәркибли мәһсулларын кифаjәт гәдәр гәбулу исә инсанлары jағ күтләсинин топланмасына даһа даjаныглы едә биләр.
Диггәт: Хәбәрдән Истифадә Етдикдә Мәнбәjә Истинад Лазымдыр!
