АБНА24 Хәбәр Верир, Иранын ХИН башчысы дејиб: "Бәзи санксијаларын ләғви һәгиги мәнада хош нијјәтли олмағын әламәти ола биләр. Америкалылар буну дилдә дејирләр, амма билмәк лазымдыр ки, кағыз үзәриндә јазыланлар кифајәт етмир".
Әмир-Абдуллаһијан јени гәрарын кафи олмадығыны, гәрараларын әмәлдә ҝөстәрилмәсини истәјиб.
"Биз бәзи васитәләрлә америкалылара месажларымызы чатдырмышыг ки, хош нијјәтли олдугларыны ҝөстәрмәк истәјирләрсә әмәлдә ҝөрүнмәлидир. Әмәлдә хош нијјәтли олмаг о демәкдир ки, гәрарларын тәсирини ҝөрүб ләмс етмәлијик", дејә Иран ХИН рәһбәри әлавә едиб.
Гејд едәк ки, Ҹо Бајден Администрасијасы Доналд Трампын президентлији дөврүндә Ирана тәтбиг едилмиш санксијаларын бир нечәсини дајандырыб. Мәлумата ҝөрә бу ҝүзәштләрлә бағлы гәрар хариҹи ширкәтләрә иҹазә верир ки, Иранын Бушеһр нүвә стансијасында, Әракда јерләшән “Ағыр Су” тәсисатында вә Теһранын тәдгиат реакторунун динҹ нүвә фәалијјәтләриндә ишләјә билсинләр.
342/
5 fevral 2022 - 18:14
Xəbər kodu: 1226273
Иран Ислам Республикасынын хариҹи ишләр назири Һүсејн Әмир-Абдуллаһијан АБШ тәрәфиндән бәзи санксијаларын ләғвинә мүнасибәт билдириб.
