Тофиг Зүлфүгаров: Шимал-Ҹәнуб дәһлизи дашымаларын һәҹмини хејли артыраҹаг

АБНА24 Хәбәр Верир, Бакыда ИРНА Хәбәр Аҝентлијинин мүхбиринә мүсаһибә верән сабиг ХИН башчысы Тофиг Зүлфүгаров Шимал-Ҹәнуб Бејнәлхалг Транзир Коридору лајиһәсини Теһран илә Бакынын ән мүһүм игтисади лајиһәләриндән бири адландырыб вә дејиб: Бу дәһлизин тамамланмасы вә Астара дәмир јолунун тикинтиси ики өлкә арасында нәглијјатын вә транзитин артымыны әһәмијјәтли дәрәҹәдә стимуллашдыраҹаг.

Онун фикринҹә, Шимал-Ҹәнуб вә Зәнҝәзур дәһлизләринин фәалијјәт ҝөстәрмәси Азәрбајҹан Республикасы вә Иран, еләҹә дә Шимал-Ҹәнуб дәһлизи бојунҹа јерләшән өлкәләр үчүн бөјүк игтисади фајда верәҹәк.

Зүлфүгараов Иран вә Азәрбајҹан Республикасынын тарихи, етник, дини вә мәнәви әлагәләрин мөһкәмләндирилмәсиндә гаршылыглы марағына тохунараг әлавә едиб: Президент Сејид Ибраһим Рәисинин рәһбәрлик етдији һөкумәт вә рәсми Бакы игтисади әмәкдашлығы даһа да ҝенишләндирмәк әзминдәдирләр.

Азәрбајҹанын кечмиш хариҹи ишләр назири сонра Иран Ислам Республикасынын Фарс көрфәзи илә Гара дәниз арасында нәглијјат маршрутунун ачылмасы тәшәббүсү илә бағлы дејиб: “Мәнҹә, Рәшт-Астара дәмир јолу хәтти тамамланарса, бу, чох мүнасиб маршрутдур. Әслиндә нәглијјат маршрутлары нә гәдәр чох олса, бир о гәдәр јахшыдыр. Азәрбајҹан Республикасынын кечмиш рәсмиси сөһбәтинин давамында бу өлкәнин ишғалдан азад едилмиш әразиләринин јенидән гурулмасыны ишиндә Иран ширкәтләринин иштиракыны ваҹив сајараг бунун үчүн јахшы перспектив олдуғуну гејд едиб.”

Зүлфүгаров һәмчинин Азәрбајҹан Республикасынын Иран Ислам Республикасы илә әлагәләрин даһа да инкишаф етдирилмәсиндә мараглы олдуғуну вурғулајараг дејиб: Иран Ислам Республикасынын хариҹи сијасәтинин әсас приоритетләриндән бири дә гоншу өлкәләрлә әмәкдашлығын даһа јүксәк сәвијјәдә олмасыдыр. Бу һәр ики тәрәф үчүн фајдалы ола биләр. Бу истигамәтдә чох севиндириҹи һалдыр ки, Иранын јени һөкумәти ики өлкә арасында анлашылмазлыглары тез бир заманда һәлл етмәк үчүн һәрәкәтә кечәрәк әмәкдашлығын ҝенишләндирилмәсинә зәмин јаратды.

342/