АБНА24 Хәбәр Верир, Иран Ислам Республикасы президенти Сејид Ибраһим Рәиси чәршәнбә ҝүнү Назирләр Кабинетинин Имам Хомејнинин (р.ә) вә Ислам Ингилабынын шәһидләринин амаллары илә әһд-пејманын тәзәләнмәси мәрасиминдә чыхышы заманы дејиб: "Аллаһа тәвәккүл етмәк вә инсанлары ҹәлб етмәк әсрин бөјүк ислаһатчысынын динҹ һәрәкатында ики әсас принсип иди".
Президент Рәиси әлавә едиб ки, мәрһум Имам Хомејнинин (р.ә) халга бахышы формал вә сијаси бахыш дејилди, амма дүнја сијасәтчиләри әмәлдә халга фикир вермирләр".
Иран Ислам Республикасынын президенти халга диггәтин һәмишә үмуми тәсирләрә малик олдуғуну билдирәрәк, дејиб: "Һарада уғур әлдә едилирдисә, халг мејданда иди".
Гејд едәк ки, Иран Ислам Республикасынын президенти Сејид Ибраһим Рәиси вә назирләр кабинетинин үзвләри бу ҝүн Имам Хомејнинин (р.ә) пак мәгбәрәсинә ҝедибләр, онлар мәрһум имамын мәзарлары үзәринә ҝүл дәстәләри дүзәрәк вә фатиһә охујараг, Ислам Ингилабынын бөјүк мемарына еһтирамларыны билдирибләр вә онун амаллары илә әһд-пејманларыны тәзәләјибләр.
342/
2 fevral 2022 - 19:42
Xəbər kodu: 1225336
Иран Ислам Республикасы президенти дејиб: "Мәрһум Имам Хомејнинин (р.ә) халга бахышы нәинки формал вә сијаси бахыш дејилди, о һәзрәт, һәм дә халгын иштиракына вә гүдрәтинә инанырды".
