АБНА24 Хәбәр Верир, Русија президенти дејиб ки, АБШ вә НАТО Москванын фундаментал тәһлүкәсизлик нараһатлыгларына мәһәл гојмур.
Дөвләт башчысы бу барәдә Маҹарыстанын Баш назири Виктор Орбанла данышыгларын јекунларындан сонра кечирилән мәтбуат конфрансында дејиб ки, Русијанын фундаментал нараһатлыгларына мәһәл гојулмадығы артыг ајдындыр вә Москва онун үч әсас тәләбинин адекват нәзәрә алындығыны ҝөрмүр. Сөһбәт НАТО-нун ҝенишләнмәсинин гаршысыны алмагдан, Русија јахынлығында зәрбә силаһы системләринин јерләшдирилмәсиндән имтинадан, һәмчинин Шимали Атлантика Алјансынын Авропадакы һәрби инфраструктурунун 1997-ҹи ил вәзијјәтинә гајтарылмасындан ҝедир.
Владимир Путин сонра дејиб: “Русијаны НАТО-нун шәргә доғру ҝенишләнмәјәҹәјинә сөз верәрәк алдадыблар. Буну һамы јахшы билир. Бу ҝүн биз НАТО-нун Полша, Румынија, Балтикјаны өлкәләрдә јерләшдијини ҝөрүрүк. Бир шеј дедиләр, башга ҹүр етдиләр.
Русија лидери вурғулајыб ки, НАТО-нун “ачыг гапы” сијасәти һүгуги бахымдан тәтбиг едилә билмәз:
“Дејирләр ки, бу, “ачыг гапы” сијасәтидир. Бу, һарада јазылыб? Һеч јердә. 1949-ҹу ил мүгавиләсинин 10-ҹу маддәсиндә алјансын диҝәр Авропа өлкәләрини дә бу тәшкилата гәбул едә билмәси јазылмајыб. Просесин бүтүн иштиракчыларынын: Украјнанын, Авропа өлкәләринин вә Русијанын марагларыны вә тәһлүкәсизлијини тәмин етмәк үчүн бир јол тапмаг лазымдыр. ", - дејә Русија президенти сөјләјиб.
342/
2 fevral 2022 - 19:36
Xəbər kodu: 1225327
Русија Президенти Владимир Путин АБШ вә НАТО-ну Русијанын фундаментал тәһлүкәсизлик нараһатлыгларына мәһәл гојмамагда иттиһам едиб.
