АБНА24 Хәбәр Верир, Түркијәнин кечмиш Баш Гәрарҝаһ рәиси, ҝенерал-полковник Исмајыл Һаккы Пекин Лента.ру-нун мүхбири илә мүсаһибәсиндә АБШ-ын Түркијәјә гаршы нәинки марагларына зидд, һәм дә Русија кими тәрәфдашларла мүнасибәтләринә хәләл ҝәтирән сијасәт јүрүтмәк истәдијини билдириб.
О дејиб ки, Анкара Вашингтонун ҹәһдләри илә тәзјигә мәруз галмамалыдыр.
Сабиг ҝенералын сөзләринә ҝөрә, АБШ диҝәр мәсәләләрлә јанашы, Гара Дәниздә фәаллығыны артырараг Түркијәни Русијаја дүшмән етмәјә чалышыр. Бундан әлавә, Анкаранын өзү Гара Дәниз реҝионунда Кијев илә дәниз әмәкдашлығыны ҝүҹләндирмәјә разылашыб.
Түркијә һакимијјәтинин нијә белә аддымлар атмасы суалыны ҹавабландыран сабиг кәшфијјат рәһбәри һәмчинин Анкаранын әсассыз сијасәт јүрүтдүјүнү дилә ҝәтириб.
“Биз икитәрәфли дејил, биртәрәфли сијасәтә кечмәлијик. Башгаларынын ојунларына еһтијаҹымыз јохдур. АБШ Русијаны дахилдән мәһв етмәјә чалышыр, Түркијәни исә тәдриҹән Москва илә өз шәртләрини зәифләтмәјә разылашмаға мәҹбур едир” – дејә Пекин билдириб.
Бир сыра експертләр Анкаранын Москва илә бағлы сијасәтинин АБШ администрасијасынын хошуна ҝәлмәдијини билдирир. Түркијәли журналист Беркан Тутар “Сабаһ” гәзетиндә јазыб ки, АБШ администрасијасы Анкараны Русија илә мүнасибәтләри зәифләтмәјә мәҹбур етмәк үчүн түрк лирәсинин чөкмәсинә баис олмагла јанашы кәскин аддымлар атыр.
342/
1 fevral 2022 - 13:24
Xəbər kodu: 1224878
Түркијә кәшфијјатынын кечмиш рәһбәри бәјан едиб ки, Вашингтон Анкараны Москванын дүшмәнинә чевирмәјә чалышыр.
