АБНА24 Хәбәр Верир, Украјна Силаһлы Гүввәләри “Гәрб” хүсуси тәјинатлы дәстәсинин һәрбчиләрини тәмас хәттинә кечириб.
Бу барәдә гондарма Луганск Халг Республикасынын рәсми нүмајәндәси Иван Филипоненко билдириб.
О, Украјна хүсуси тәјинатлыларынын Новолуганскда јерләшдирилмәсинә ајдынлыг ҝәтириб.
Сепаратчыларын тәмсилчиси Русија һәрби техникасынын әразијә ҝәтирилдијини дә билдириб вә дејиб ки, сон ҝүн әрзиндә мүвәггәти олараг ишғал олунмуш әразијә 70 әдәд әлавә Русија һәрби техникасы јерләшдирилиб.
Мәлумата ҝөрә, сөһбәт танклар, зиреһли техника вә өзүјеријән артиллерија гурғуларындан ҝедир.
Бундан әввәл Луганск Халг Милиси Донбас тәмас хәттиндә 79-ҹу Украјна Һава Десант Бригадасына тәдарүк едилән Британијаја мәхсус танк әлејһинә ракет базаларыны ашкар едиб.
Бу арада Украјна илә бағлы вәзијјәтин ҝәрҝинләшмәси фонунда сығорта базары нәһәнҝләринин ән бөјүк бирлији олан Бирләшмиш Мүһарибә Комитәси нөвбәдәнкәнар иҹлас чағырмаға һазырлашыр. Гејд олунур ки, Украјна јүксәк рискли јерләр сијаһысына дахил едилә биләр. Бундан сонра сығортачылар адәтән сығорта әмсалларыны артырырлар вә бејнәлхалг дашыјыҹылар арасында Украјна бизнеси илә әмәкдашлыг етмәк истәјәнләри тапмаг чәтин олаҹаг. Украјна лиманларына мал чатдырмаг истәјән ширкәтләр сығортачы тапмагда чәтинлик чәкәҹәкләр вә сығорта олмадан исә бизнес чох тәһлүкәлидир.
Хатырладаг ки, Украјна парламентиндә президентјөнлү “Халгын хидмәтчиси” фраксијасынын рәһбәри Давид Арахамиа билдириб ки, Гәрб вә АБШ өлкәдәки вәзијјәт әтрафында чахнашма сәпир. Нәтиҹәдә просесләр Украјна игтисадијјатынын хејринә ишләмир.
Диҝәр бир мәлумата әсасән, Украјна әтрафында ҝәрҝинлијин артмасы илә Британијанын баш назири Борис Ҹонсон Јапонијаја ҝөзләнилән сәфәрини ләғв едиб. Бу барәдә "Кјодо" аҝентлији мәлумат јајыб.
Јапон аҝентлијинин һөкумәт мәнбәләриндән алдығы мәлумата ҝөрә, Ҹонсонун Јапонијаја сәфәри февралын орталарына планлашдырылыб, лакин Британија тәрәфи Украјна әтрафында вәзијјәтин ҝәрҝинләшмәси илә әлагәдар сәфәрин ләғв едилмәси илә бағлы Токиону хәбәрдар едиб.
342/
31 yanvar 2022 - 19:50
Xəbər kodu: 1224682
Русија вә Украјна тәмас хәттиндә јени һәрби гүввәләр топлајыр.
