Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, “Биз јахын вахтларда Иран, Азәрбајҹан вә Түркијә рәсмиләринин Теһран шәһәриндә баш тутаҹаг ҝөрүшүнә шаһидлик едәҹәјик”.
Бу сөзләри Иранын Хариҹи Ишләр Назирлијинин рәсми нүмајәндәси Сәид Хәтибзадә јерли вә хариҹи өлкәдән олан журналистләр үчүн кечирилән мәтбуат конфрансында дејиб.
Лакин Иран ХИН-нин сөзчүсү үч өлкә рәсмисинин бир араја ҝәләҹәји дәгиг тарихи ачыгламајыб.
“Ҝөрүшүн ән јахын вахтда баш тутмасына чалышырыг”, – дејә Сәид Хәтибзадә билдириб.
Сәиб Хәтибзадәјә Рәҹәб Тајјиб Әрдоғанын Теһрана сәфәринин вахты илә бағлы да суал үнванланыб.
Иран ХИН рәсмиси бәјан едиб ки, Түркијә Президентинин сәфәри ҝүндәмдә сахланылыр, лакин онун дәгиг тарихи һәлә мүәјјән едилмәјиб.
Диггәт: Хәбәрдән Истифадә Етдикдә Мәнбәјә Истинад Лазымдыр!
