АБНА24 Хәбәр Верир, Иран Ислам Республикасы Президенти Сејид Ибраһим Рәиси Иран вә Азәрбајҹан халгларынын әсрләр боју меһрибан гоншулуг шәраитиндә јашадығыны, Азәрбајҹан-Иран икитәрәфли мүнасибәтләринин бүтүн саһәләрдә уғурла инкишаф етдијини билдириб.
Ики өлкә арасында әлагәләрин ҝенишләндирилмәси бахымындан гаршылыглы сәфәрләрин өнәмини вурғулајан Иран Ислам Республикасынын Президенти достлуг вә гардашлыг мүнасибәтләринин гаршыдакы илләрдә дә уғурла инкишаф едәҹәјинә әминлијини ифадә едиб.
Гонагпәрвәрлијә ҝөрә миннәтдарлығыны билдирән ҝенерал-полковник З.Һәсәнов Азәрбајҹан Республикасынын Президенти Илһам Әлијевин саламларыны Сејид Ибраһим Рәисијә чатдырыб.
Мүдафиә назири Азәрбајҹан Республикасынын вәтән мүһарибәсиндә ишғалдан азад етдији әразиләрдә ҝөрүлән ишләр барәдә мәлумат вериб.
Ҝөрүшдә ики өлкә арасында икитәрәфли достлуг мүнасибәтләринин мүхтәлиф истигамәтләрдә, о ҹүмләдән һәрби әмәкдашлыг саһәсиндә инкишафындан мәмнунлуг ифадә олунуб, гаршылыглы мараг доғуран диҝәр мәсәләләрлә бағлы фикир мүбадиләси апарылыб.
342/
27 yanvar 2022 - 18:36
Xəbər kodu: 1223258
Јанварын 26-да Иран Ислам Республикасынын Президенти Сејид Ибраһим Рәиси Теһранда рәсми сәфәрдә олан Азәрбајҹан Республикасынын мүдафиә назири ҝенерал-полковник Закир Һәсәновун рәһбәрлик етдији нүмајәндә һејәтини гәбул едиб.
