Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, ҹари һәфтә әрзиндә Иран Ислам Республикасынын мөһтәрәм президенти ҹәнаб Сејјид Ибраһим Рәиси илә Русија Федерасијасынын президенти Владимир Путин илә Москвада ҝөрүшү баш тутаҹаг. Бу ҝөрүш чәрчивәсиндә һансы мәсәләләр илә бағлы данышыгларын апарылаҹағы вә үмумијјәтлә бу ҝөрүшүн Иран Ислам Республикасы үчүн нә кими төһфәләр ҝәтирәҹәји хариҹи медиаларда да мүзакирә објекти олуб.
Бәзи тәһлилчиләрин нәзәринә ҝөрә, Путин-Рәиси ҝөрүшүндә Иранын нүвә програмына даир мүзакирәләрин ҝедишаты, ҝәлинә биләҹәк нәтиҹәләр мүзакирә предметинә чевриләҹәк.
Билдијимиз кими, алтылыг өлкәләринин (АБШ, Британија, Франса, Русија, Чин+Алманија) беши нүвә дөвләтидир, онлардан һеч бири Иранын нүвә програмынын ҝенишләнмәсини истәмир. Бу сәбәдән дә онларын Иран Ислам Республиасына гаршы сүрдүкләри шәрт бунлардыр: Иран нүвә програмларыны мәһдудлашдырсын (јәни дајандырсын) вә бејнәлхалг мүшаһидәчиләрин (јәни империалист гүввәләринин ҹасусларынын) нүвә тәсисатларына ҝиришинә әнҝәл јаратмасын.
Иран Ислам Республикасынын шәрти исә, Атом Енержиси үзрә Бејнәлхалг аҝентлик МАҜАТЕ-нин нүвә енержисиндән истифадә етмәк һүгуглары чәрчивәсиндә ирәли апарылмасы вә санксијаларын там олараг арадан галдырылмасыдыр...
Русијанын өзүнүн Иранла исти мүнасибәтләри олса да, лакин Теһранын нүвә програмынын даима нәзарәт алтында сахланылмасы гәнаәтиндәдир.
Исраил данышыгларын тәрәфи олмаса да, Ирана гаршы ҹәбһәнин ҝүҹләнмәсиндә исрарлыдыр вә ресурсларыны бу истигамәтдә хәрҹләјир.
Тәсадүфи дејил ки, Рәисинин Русија сәфәриндән өнҹә Исраилин баш назири Нафтали Беннет Владимир Путинлә телефон данышығы апарды.
Русија сон илләр Исраилин тәклифләринә жестлә ҹаваб верән сијаси хәтт јүрүтдүјүндән онун үчүн Исраил мараглары даһа өн пландадыр.
Дүздүр, Сурија бөһранында Русија илә Исраил әкс мөвгеләри ифадә етсәләр дә, онлар мүнагишә заманы бир-биринин боғазына ип салмаға чалышмады, әксинә тәрәфләрдән биринин аддымына диҝәри ҝөз јумду.
Русијанын Сурија сәмасына нәзарәти вә Исраил үчүн ҝүзәштли һәрби хидмәти Исраили дә Москванын јанында олмаг үчүн диггәтли давранмаға мәҹбур едир.
Москва өзүнү бир нөв Иранла Исраил арасында әсас “васитәчи” кими јерләшдирир, һәр ики тәрәфин хошуна ҝәлмәк үчүн таразлыг сахламаға ҹәһд едир...
Беләликлә бир чох хариҹи медиалар ҹәнаб Рәиси илә Путин арасында баш тутаҹаг ҝөрүшүшн сәмәрәсизлији барәсиндә вар ҝүҹләри илә тәблиғат “шејпурларына” пүләсәләр дә Иранын һансы пакетлә Русијаја сәфәр едәҹәјини һәлә ки, һеч кәс билмир.
Сонда гејд етмәлијик ки, тәлатүмлү дүнјада шејтани гүввәләрлә үз-үзә дајанан Иран Ислам Республикасынын архасында мәһз Аллаһ Тәала вә Онун аләмләрә Һөҹҹәт гәрар вердији Хәлифәси, Саһибә Заман һәзрәтләри дајаныр.
Диггәт: Хәбәрдән Истифадә Етдикдә Мәнбәјә Истинад Лазымдыр!
