АБНА24 Хәбәр Верир, дашнаклар гаршыдакы планлары, хүсусән дә “мүгавимәтин” формалашдырылмасы илә бағлы ишләри вә бу истигамәтдә һәјата кечириләҹәк програмлары мүзакирә едир.
Бу мәгсәдлә Ермәнистанын једди шәһәриндә-Раздан, Ҝүмрү, Спитак, Ванадзор, Арташат вә Кафанда Дашнаксүтјунун рәһбәрләри вә “Ермәнистан” фраксијасынын депутатлары ҝөрүшләр кечирир.
Ермәнистан парламентинин витсе-спикери Ишхан Сагателјан факты тәсдиг едиб.
“Биз Ермәнистан Республикасы вә “Артсах”ын үзләшдији проблемләр, Ермәнистан-Түркијә мүнасибәтләри, тәһлүкәсизлик мәсәләләри вә дахили сијаси мәсәләләр һаггында данышдыг”, - дејә дашнак Сагателјан билдириб.
Дашнаглар гаршыдакы ики ај әрзиндә бүтүн шәһәрләрдә белә ҝөрүшләр планлашдырдығыны вә мүгавимәт тәшкил етмәк нијјәтләрини елан едибләр.
Гејд едәк ки, Анкара вә Ирәван өтән илин декабрында әлагәләрин нормаллашмасы просесини башладыблар. Бунун үчүн һәр ики өлкәдән хүсуси нүмајәндәләр – Сердар Кылыч вә Рубен Рубенјан тәјин олунуб.
Ермәнистан илә Түркијә арасындакы мүнасибәтләр 1993-ҹү илдән бәри бәзи өн шәртләрлә бағлы јох сәвијјәсиндәдир. Лакин Түркијә Президент Администрасијасынын сөзчүсү Ибраһим Калын журналистләрә ачыгламасында билдириб ки, артыг Ермәнистан илә әлагәләрин нормаллашмамасы үчүн сәбәб јохдур.
Тәһлилләрә ҝөрә, Гарабағ уғрунда 44 ҝүнлүк мүһарибәдән сонра Түркијә Ермәнистанын ҹәнуб бөлҝәси васитәсилә Азәрбајҹанла бирбаша гуру әлагәләри гурмагда, Ермәнистан исә Гара Дәнизә чыхыш әлдә етмәкдә мараглыдырлар. Лакин коммуникасијаларын ачылмасыны вә реҝионда нормаллашма просесини Кремл өз нәзарәтиндә сахламаға чалышыр. Бу истигамәтдә Азәрбајҹанла Ермәнистан арасында ихтилафларын һәллиндә әсас ролу өз үзәринә ҝөтүрән Русија инди дә Ермәнистанын Түркијә илә әлагәләри нормаллашдырмасы просесинә ев саһиблији едир вә бунунла өз марагларыны тәмин етмиш олур.
342/
17 yanvar 2022 - 13:24
Xəbər kodu: 1219886
Дашнаксүтјун партијасы Ермәнистан ҹәмијјәтиндә Түркијә илә әлагәләрин нормаллашмасына гаршы фәалијјәтә башладығыны елан едиб.
