Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Ирагын шималындакы Сәлаһәддин әјаләтиндә јерләшән АБШ ишғалчы гүввәләринин Әл-Бәләд авиабазасына бу ҝүн сәһәр саатларында үч пилотсуз тәјјарә илә һүҹум едилиб.
Ираг хәбәр мәнбәләри дә әл-Бәләд авиабазасынын јахынлығында ҝүҹлү атышма вә тоггушмаларын олдуғуну билдириб.
Салаһәддин әјаләтиндәки тәһлүкәсизлик мәнбәси билдириб ки, бир груп ПУА јерли вахтла сәһәр саат 6:10-да Әл-Бәләд һава базасыны һәдәф алыб. Бу һүҹум нәтиҹәсиндә базанын дахилиндә јанғын баш вериб. Дәјмиш зијанын һәҹми һәләлик мәлум дејил.
Саберин Неwс-ун мәлуматына ҝөрә, индијәдәк базадакы АБШ һәрби һиссәсиндән инҝилис дилиндә хәбәрдарлыглар ешидилиб, Ираг һөкумәти исә һазырда базада һеч бир Америка вә ја хариҹи гүввәләрин олмадығыны билдирир.
Гејд едәк ки, АБШ мүшавирләр адландырдығы ишғалчы һәрби гүввәләринин јерләшдији Ираг базаларына һүҹумлар сон һәфтәләр артыб. О ҹүмләдән Бағдад Бејнәлхалг Һава Лиманы јахынлығындакы Викторија базасы, Әнбар әјаләтиндәки Ајн әл-Әсәд һава базасы вә Әл-Хәдра бөлҝәси сон вахтлар Шиә Гүввәләри тәрәфиндән ракет вә пилотсуз тәјјарәләрин һәдәфинә чеврилиб.
Диггәт: Хәбәрдән Истифадә Етдикдә Мәнбәјә Истинад Лазымдыр!
