Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Франса һөкумәти, өлкәдәки мүсәлманларын бир сыра Ислам бирликләринин һүгуг вә вәһдәт үчүн тәһдид һесаб етдикләри “Ислами Әсаслар Хартијасы” адлы сәнәди Франсада һәјата кечирмәк үчүн Франса Мүсәлманлары Шурасыны Ислам Мәҹлиси адлы гурумла әвәз едиб.
Франса һөкумәти 20 ил фәалијјәт ҝөстәрән вә өлкәдахили гаршыдурмаларын вә мүбаһисәләрин шаһиди олан Франса Мүсәлманлары Шурасынын әвәзинә “Франса Ислам Мәҹлиси” адлы гурумун јарадылдығыны елан едиб.
План Франса президенти Емануел Макрон тәрәфиндән тәсдигләниб вә Франсада сон илләрдә әјаләт сәвијјәсиндә кечирилән ҝөрүшләри тамамламаг үчүн јахын вахтларда өлкәдәки мүсәлманларын нүмајәндәләри илә Ислам Мәҹлиси адлы конфранс кечириләҹәк.
Франса Мүсәлман Шурасынын рәһбәри Мәһәммәд Мусәви дә Ислам Мәҹлисинин формалашмасыны дәстәкләдијини ачыглајараг, шуранын артыг фәалијјәтини давам етдирә билмәјәҹәјини вә бурахылмасы лазым олдуғуну билдириб; Бунунла белә, нә гәдәр Ислам бирлијинин јени гурума гошулмаға һазыр олдуғу һәләлик бәлли дејил.
Диггәт: Хәбәрдән Истифадә Етдикдә Мәнбәјә Истинад Лазымдыр!
