АБНА24 Хәбәр Верир, Инҝилис јазычысы Петер Урбон "Јахын Шәрг Ы" мәгаләсиндә јазыб: "Британија кими бир өлкә Британија христианларынын Куба һәбсханаларында ишҝәнҹәјә мәруз галмасына һеч вахт иҹазә вермәзди. Амма Гуантанамо һәбсханасында британијалы мүсәлманларын ишҝәнҹәләрә мәруз галмасына мүнасибәт билдирмәјиб."
Мәгаләнин давамында белә дејилир: "Өтән ил Әһмәд Рәббани адлы пакистанлы такси сүрүҹүсү Пакистан һөкумәт рәсмиләри тәрәфиндән евиндән гачырылараг пајтахт Исламабада апарылды. Даһа сонра о, Әфганыстанын Кабил шәһәриндә, АБШ-да Мәркәзи Кәшфијјат Идарәси тәрәфиндән идарә олунан МКИ-нин идарә етдији гаранлыг һәбсханаја көчүрүлдү. О, бурада мүхтәлиф ишҝәнҹәләрә мәруз галды.
Бу мәгаләдә һәмчинин гејд олунуб ки, Рәббани, Әфганыстан Кобалт Һәбсханасында 540 ҝүн галдыгдан сонра Гуантанамо Һәрби Һәбсханасына көчүрүлдү. Бу һәбсхана Кубанын ҹәнуб-шәргиндәки бир адада јерләшир. Бу һәбсхана, АБШ һөкумәтинә мәхсусдур. АБШ һөкумәти бурада мәһбуслары һеч бир иттиһам ирәли сүрмәдән өмүрлүк һәбсдә сахламаг имканына маликдир.
АБШ Сенатынын 2012-ҹи илдә ачыгладығы һесабата ҝөрә, Рәббани тәгсирсиз һесаб едилиб. Лакин о, Һәсән Гол адлы Әл-Гаидә әмәлијјатчысы јеринә сәһвән һәбс едилиб. Буна бахмајараг, Бирләшмиш Штатлар Раббанини Гуантанамода он илдән артыгдыр ки, сахлајыр.
Петер Урбан мәгаләсинин сонунда белә јазыр: "Гуантанамо һәбсханасы һәлә дә ачыгдыр. Ҝүнаһсыз инсанлар һәлә дә онун камераларында һәбсдәдирләр. Бу һәбсхана 11 Сентјабрдан сонра јаранан Исламофобија нәтиҹәсиндә ҝүнаһсыз мүсәлманлара гаршы давам едән вәһшилијин вә барбарлығын сүбутудур.
342/
12 yanvar 2022 - 15:11
Xəbər kodu: 1218264
Инҝилис јазычысы, Гуантанамода ҝүнаһсыз инсанларын вәзијјәтиндән бәһс едиб. О, билдириб ки, бурадакы мәһбуслар, садәҹә мүсәлман олдуглары үчүн АБШ вә Инҝилтәрә тәрәфиндән ән дәһшәтли ишҝәнҹәләрә мәруз галырлар.
