Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Ирагын пајтахты Бағдад әјаләтинин Әл-Јусуфијјә бөлҝәсиндә АБШ һәрби лоҝистика карванына һүҹум едилиб.
Медиа мәнбәләри билдирибләр ки, һүҹум ики ајры мәрһәләдә һәјата кечирилиб, биринҹиси бу ҝүн 11.01.2022 тарих, сәһәр саат 7:30-да, диҝәри исә саат 19:40-да.
Һүҹума ҝөрә мәсулијјәти Улу әл-Әзм груплашмасы өз үзәринә ҝөтүрүб.
АБШ-ын даһа бир һәрби лоҝистика карваны да Ирагын ҹәнубундакы Әл-Мутһанна әјаләтинин мәркәзи Сәмава шәһәриндә һәдәфә алыныб.
Әрәб медиасынын мәлуматына ҝөрә, һүҹум ики танк әлејһинә мәрмидән истифадә едилмәклә һәјата кечирилиб.
Гејд едәк ки, Сәрдар Сүлејмани вә Әбу Меһди әл-Мүһәндисинин АБШ тәрәфиндән шәһадәтә јетирилмәсинин ардынҹа Ираг парламенти Америка һәрбчиләринин Ирагдан чыхарылмасы планыны тәсдигләјиб. Гануна ҝөрә, АБШ гошунлары декабрын сонуна гәдәр Ирагдан тамамилә чыхмалы иди. Амма Ираг мәнбәләринә ҝөрә, 2500 АБШ әсҝәри һәлә дә Ирагда галмагдадыр вә вәзифәсини һәрби аренадан мәсләһәтчи гисминә дәјишәрәк бу өлкәни тәрк етмәкдән имтина едир.
Диггәт: Хәбәрдән Истифадә Етдикдә Мәнбәјә Истинад Лазымдыр!
