АБНА24 Хәбәр Верир, "ФАРС" хәбәр аҝентлијинин мәлуматына ҝөрә, Белчика һөкумәтинин кечән һәфтә коронавирусла бағлы јени тәдбирләри дајандырмаг гәрарына бахмајараг, базар ҝүнү минләрлә етиразчы пајтахт Брүсселин күчәләринә чыхараг, коронавирус мәһдудијјәтләринә өз етиразларыны билдирибләр.
Азадлыг тәләб едән маскасыз нүмајишчиләр Белчика һөкумәтини мүхтәлиф јерләрә ҝирмәк үчүн тәләб олунан Ҹовид-19 сертификатыны ләғв етмәјә чағырыблар.
Нүмајишдә азјашлы ушаглы аиләләрдән тутмуш ҝәнҹләрә гәдәр ҝениш спектрли Белчика вәтәндашлары, һәмчинин Авропа Иттифагынын сијасәтчиләри иштирак едирди.
11 милјон әһалиси олан Белчикада һәр ҝүн орта һесабла 17 мин 800-дән чох коронавируса јолухма факты гејдә алыныр.
Авропада коронавируса јолуханларын сајы јенидән артмагдадыр вә Алманија, Австрија, Һолландија вә Франса һазырда коронавирусун јени далғасы илә үзләшибләр.
Сон ҝүнләр Һолландија вә Алманијада инсанлар күчәләрә чыхараг, һөкумәтин коронавирусла бағлы тәтбиг етдији мәһдудијјәтләрә гаршы етираз аксијасы кечирибләр. Аксија полислә гаршыдурма илә нәтиҹәләниб.
342/
10 yanvar 2022 - 18:18
Xəbər kodu: 1217664
Белчиканын пајтахты Брүсселдә минләрлә инсан күчәләрә ахышараг, һөкумәтин коронавирусла бағлы тәтбиг етдији мәһдидијјәтләрә гаршы етираз аксијасы кечириб.
