АБНА24 Хәбәр Верир, Ислам Ингилабынын Рәһбәри бу ҝүн Гум әһалисинин 1978-ҹи ил јанварын 9-да тағут режиминә гаршы гијамынын илдөнүмүндә етдији чыхышында билдирибләр: Гум әһли илә ҝөрүшмәк мәним үчүн бөјүк фүрсәт олду. Мәлум мәсәләдир ки, дәрин мөвзулары әһатә едән вә ҝәләҹәк нәсилләрә јүксәк сәслә месажлар верән бәзи тарихи һадисәләр һеч заман унудула билмәз. 9 Јанвар һадисәси дә беләдир.
О һәзрәтин сөзләринә ҝөрә, 9 Јанвар һадисәси Ислам Ингилабынын гәләбәсинә сәбәб олду; Бу һадисә вә онун нәтиҹәләри халгын дини бахышынын дәринлијинә дәлаләт едир. Бу һадисә Ислам Ингилабынын ҝөрүнтүләриндән биридир вә халгын дини бахышынын нә гәдәр дәрин олдуғуну ҝөстәрир. Һәмчинин белә һадисәләрин јаддашларда галмасынын әсас сәбәбләриндән бири тәглид мәрҹәләринин рол ојнамаларыдыр. Өлкәдә баш верән һадисәләрин әксәријјәтиндә дин алими әсас рол ојнајыб. Бурадан дүнјанын тәкәббүрлү ҝүҹләринин дин, фигһ вә сијаси дин илә дүшмәнчилијинин сиррини баша дүшә биләрик, чүнки онларын варлығы империализм вә мүстәмләкәчилијин әлејһинәдир. Дүшмәнләр дүнјада сијаси динә гаршыдырлар. Бу сәбәбдән Американын Ислам Республикасы илә дүшмәнчилијини вә нифрәтини дә бурадан анламаг олар. Ислам Республикасы халгын дини инанҹынын тәзаһүрүдүр.
Ислам Ингилабынын алимәгамлы рәһбәри сөһбәтинин давамында гејд едибләр: Тағутун заманында Имам Хомејнинин мүгәддәслијини сындырмаг, мәһв етмәк истәјирдиләр. Онлар Имамын халг арасында нүфузунун артдығыны ҝөрүб, Имамын мәгамыны ашағыламаг истәјирдиләр. Бу әснада Гумлуларын ҝүҹлү јумруглары Тағутун синәсинә дәјмәсәјди, ишләринә давам едәрдиләр. О вахт әлбәттә ки, диктатура режиминин архасында Америка дајанырды вә режим бејнәлхалг реаксија ҝөрмәјәҹәјинә әмин иди. Лакин Гум әһалиси Тағутун вә дүшмәнин һесабыны позду.
Ингилаб Рәһбәри сонра дејибләр: Дүшмән бу ҝүн дә мүхтәлиф мәсәләләрлә бағлы һесабламалар апарыр. Онлар дүшүнүрдүләр ки, Шәһид Сүлејманинин шәһадәти илә онун һазырладығы һәрәкат сөнәҹәк. Анҹаг ҝөзләнтиләри пуч олду. Ҝөрүнүр, онлар Ислам Республикасынын һәгигәтини дәрк едә билмирләр. Хүсусилә дә бу ҝүн өлкәдә садиг Һизбуллаһ ҝәнҹләринин сыралары ҝенишләниб. Хошбәхтликдән, чохлу сајда ҝәнҹин ингилаби дүшүнҹәси өлкыәјә парлаг ҝәләҹәк вәд едир. Мүхтәлиф мәгамларда өлкәни хилас едән амил халгын дини гејрәти олуб. Тәһдидләри фүрсәтә чевирән дә дини гејрәтдир. Бу истигамәтдә Иран халгы Шәһид Сүлејманинин табуту алтында өз кимлијини вә бирлијини нүмајиш етдирди. Шәһид Сүлејмани кими бөјүк шәхсијјәтин шәһадәти тәһлүкә иди, амма халгымыз тәһлүкәни фүрсәтә чевирди.
Һәзрәт Ајәтуллаһүл-үзма Хаменеи сөһбәтинин сонунда вурғулајыблар ки, бу ҝүн ингилаб дүшмәнләринин планларында ҹидди шәкилдә мүзакирә олунан вәзифәләрдән бири дә ингилабын принсипләринә вә бахышларына һәссаслығы мәһв етмәкдир, кибермәканда вә КИВ-ләрдә бунун ардынҹадырлар. Лакин мүвәффәг олмајаҹаглар. Чүнки Иран халгы ингилабын амалларына вә идеолоҝијасына садигдир.
342/
9 yanvar 2022 - 13:57
Xəbər kodu: 1217155
Иран Ислам Ингилабынын Алимәгамлы Рәһбәри Иранда дини гејрәтин өлкәни хилас едән амил олдуғуну билдирәрәк дејибләр ки, дини гејрәт тәһдидләри фүрсәтә чевирә биләр.
