АБНА24 Хәбәр Верир, Дөвләт Департаментинин сөзчүсү ТУРАН-ын сорғусуна ҹаваб олараг дејиб: “Биз нараһатыг ки, Азәрбајҹан парламенти "Медиа һаггында" тәклиф олунан ганунун ратификасија едилмәси үчүн Президент Администрасијасына ҝөндәрилмәсиндә тәләсиб”.
“Үмид едирик ки, Президент Администрасијасы ганун лајиһәсинә бахаркән мүстәгил журналистләрин, медиа експертләринин вә АТӘТ дә дахил олмагла бејнәлхалг групларын рәјләрини диггәтлә нәзәрдән кечирәҹәк”, - сөзчү әлавә едиб. “Биз мәсәләни јахындан изләмәјә давам едәҹәјик”.
Бир чох сијаси аналитикләрин фикринҹә сөз азадлығы вә демократик принсипләр кими мөвзулардан өз тамаһкар нијјәтләрини јеринә јетирмәк үчүн тәзјиг васитәси кими истифадә едән Американын өзүндә бу саһәдә ҹидди нөгсанлар мөвҹуддур вә буна ҝөрә дә, Америка демократија дәрси кечмәк сәлаһијјәтинә малик дејил.
Хатырладаг ки, медиа гурумлары үчүн вериләнләр базасы јарадан вә журналистләрин дөвләт гејдијјатына алынмасыны тәләб едән ганун лајиһәси декабрын 30-да Азәрбајҹан парламенти тәрәфиндән гәбул едилиб вә һәлә президент тәрәфиндән имзаланмајыб. Јерли медиа вә һүгуг груплары билдирибләр ки, бу ганун Азәрбајҹанда ифадә азадлығына ҝениш мәһдудијјәтләр гојма потенсиалына маликдир.
342/
6 yanvar 2022 - 11:40
Xəbər kodu: 1216172
АБШ Дөвләт Департаментинин сөзчүсү “Медиа һаггында” јени ганун лајиһәсинин гәбулундан нараһатлығыны ифадә едиб.
