АБНА24 Хәбәр Верир, Сәид Хәтибзадә кечирдији мәтбуат конфрансында Иран Ислам Республикасы президентинин Москваја ҝөзләнилән сәфәри заманы Иран вә Русија арасында стратежи әмәкдашлыг сәнәдинин имзаланмасынын мүмкүнлүјү илә бағлы суалын ҹавабында әлавә едиб: "Сәфәр Владимир Путинин дәвәти илә баш тутаҹаг".
О, сөзләринин давамында дејиб: "Бу, ишҝүзар сәфәрдир вә сәфәр чәрчивәсиндә ики өлкә арасында игтисади, сијаси вә мәдәни әлагәләр гијмәтләндириләҹәк".
Иран Хариҹи Ишләр Назирлијинин сөзчүсү сон ҝүнләр Вјана данышыгларында Иранын бәзи тәләбләриндән ҝери чәкилмәси илә бағлы јајылан сөз-сөһбәтләр барәдә суалын ҹавабында дејиб: "Биз ортаг механизмлә данышыглар апармырыг, бу ҝүн ортаг бир лајиһә варса, бунун сәбәби Гәрб тәрәфинин максимум тәләбләриндән ҝери чәкилмәли олдуғуну баша дүшмәсидир".
О, вурғулајыб: "Биз бу ҝүн елә бир нөгтәдәјик ки, бу ҝүндән етибарән, бирҝә мәтнин мәзмуну мүзакирә олунаҹаг".
Талибанын мүстәгил һөкумәт кими танынмасы илә бағлы суалы ҹавабландыран Хәтибзадә дејиб: "Хариҹи Ишләр Назирлији Иран Ислам Республикасынын мөвгеләрини ачыг шәкилдә бәјан едиб. Әфганыстанла бағлы ән чох вурғуланан мәсәлә бу өлкәнин етник вә демографик мүхтәлифлијини әкс етдирән инклүзив һөкумәтин формалашмасыдыр".
342/
4 yanvar 2022 - 13:48
Xəbər kodu: 1215528
Иран Хариҹи Ишләр Назирлијинин сөзчүсү Иран вә Русија арасында узунмүддәтли әмәкдашлыг мүгавиләсинин изләндијини билдирәрәк, дејиб: " Ики өлкә арасында стратежи тәрәфдашлыг мүгавиләси һәлә дә гүввәдәдир вә автоматик олараг узадылаҹаг".
