Јанварын үчү ҝенерал Гасим Сүлејманинин шәһадәтинин илдөнүмүдүр

АБНА24 Хәбәр Верир, Иранын Ислам Ингилабынын Кешикчиләр Ордусунун Гүдс Корпусунун команданы ҝенерал Гасим Сүлејманинин вә ираглы мүҹаһид Әбу-Меһди Әл-Мүһәндисин АБШ тәрәфиндән террора мәруз галмасындан ики ил өтүр.

2020-ҹи илин јанварын икисиндән үчүнә кечән ҝеҹә ҝенерал Гасим Сүлејмани Ираглы силаһдашы илә бирҝә Бағдад һава лиманы әтрафында АБШ Ордусу тәрәфиндән террора мәруз галды. АБШ президенти Доналд Трамп террор актындан дәрһал сонра бу һүҹумла бағлы ҝөстәришин шәхсән онун тәрәфиндән верилдијини вә АБШ Ордусу тәрәфиндән иҹра едилдијини билдирди.

Ҝөрүнүр Доналд Трамп, бу һүҹумдан үч ҝүн өнҹә Бағдадда АБШ сәфирлији гаршысында кечирилән етираз аксијаларындан гәзәбли иди вә әфсанәви ҝенералын бөлҝәдә олан ҝүҹүнү һәзм едә билмирди. Бу террор һадисәси нәтиҹәсиндә Иранын Ислам Ингилабынын Кешикчиләр Ордусунун Гүдс Корпусунун команданы Гасим Сүлејманидән әлавә, Ирагын, ИШИД-ә гаршы мүбаризә мәгсәдилә јарадылан Халг Сәфәрбәр Гүввәләринин јәни Һәшдүш-Шәби-нин рәһбәр мүавини Әбу-Меһди Әл-Мүәһәндис вә онларла бирҝә даһа 7 һәрби рәсми шәһид олдулар. Террор актыны әксәр бөлҝә өлкәләри писләди вә гынады, Азәрбајҹан Республикасы да бу һадисә илә бағлы Иран тәрәфә башсағлығы верди. Дүнја лидерләри бу биртәрәфли, дүшүнүлмәмиш вә әсассыз террор актынын Јахын Шәргә ҝәтирәҹәји аҹы нәтиҹәләри барәдә хәбәрдарлыг етдиләр.

Террор акты сијаси вәзијјәтдә шок аны јаратды. Чүнки Гасим Сүлејмани бир өлкәнин рәсми гурумунун јүксәк чинли рәсмиси олмагла јанашы, онун Ирага сәфәри дә рәсми вә ачыг шәкилдә һәјата кечирилирди. АБШ Администрасијасынын бу аддымы чохлары үчүн ҝөзләнилмәз иди. Ирагын баш назири Адил-Әбдүл-Меһди Гасим Сүлејманинин бу сәфәрдә онунла ҝөрүшә ҝәләҹәјини билдирди. Ираг һөкумәти АБШ-а нота верди вә аз кечмәмиш өлкә парламенти әҹнәби гүввәләрин Ирагдан чыхмасына сәс верди. Гасим Сүлејманинин террор едилмәсинин АБШ-а вурдуғу илк сијаси зәрбә дә мәһз бу иди. Ираг Парламенти АБШ гүввәләринин өлкәдән чыхамсына сәс верди. Гасим Сүлејманинин намәрдҹәсинә ҝөзләнилмәдән террор едилмәси Иран һөкумәтилә јанашы өлкә иҹтимаијјәтини дә сарсытды. Шәһид Сүлејманинин дәфниндә Иранда бөјүк издиһам јашанды. Онун вә Әбу-Меһди Әл-Мүһәндисин пак ҹәназәләри Иранда шәһәр бә шәһәр ҝәздирилди. Даһа сонра шәһид Сүлејмани доғулдуғу Керман шәһәриндә дәфн едилди. Әбу-Меһди Әл-Мүһәндисин нәши исә Бағдада апарылды.

Ҝенерал Сүлејминин шәһид едилмәсинә ҝөрә Иран интигам һисси ичиндә јанырды. Һадисәдән 5 ҝүн сонра Иран “интигамын илк мәрһәләси”ни һәјата кечирди вә ја Һәзрәт Ајәтуллаһүл-узма Хаменеинин билдирдији кими “биринҹи шиллә” олараг АБШ-ын Ирагдакы ики базасыны ортамәнзилли баллистик ракетләрлә һәдәфә алды. “Шәһид Гасим Сүлејмани” адлы бу әмәлијјат заманы АБШ-ын Әл-Анбар әјаләтиндә јерләшән Ејнул-Әсәд һәрби базасында бөјүк дағынтылар баш верди. Һәмин ҝүн әрзиндә АБШ, јүздән чох хәсарәт алмыш әсҝәрини Ирагдан тәхлијә едәрәк мүалиҹә үчүн Алманијаја, Күвејтә вә саир өлкәләрә апарды. Әмәлијјаты кафи билмәјән Иран интигамын давам едәҹәјини, онларын тәкҹә һәрби дејил диҝәр мүстәвиләрдә дә һәјата кечириләҹәјини вә јекун интигамын АБШ гүввәләринин тамамилә Ирагдан чыхаҹағы олаҹағыны билдирди. Бундан савајы Иран вә Ираг мәһкәмәләри бу иши бүтүн ҝөстәриш верән вә иҹра едәнләрин ҹәзаларына чатана гәдәр нәзәрдә сахлајаҹагларыны билдирибләр.

342/