АБНА24 Хәбәр Верир, Сәид Хәтибзадә бәзи Америка вә Авропа рәсмиләринин Симург пејк дашыјыҹысынын сынагдан чыхарылмасы илә бағлы сон иддиаларына ҹаваб олараг, дејиб: "Елми вә тәдгигат саһәсиндә, о ҹүмләдән аерокосмик саһәдә ирәлиләјиш Иран халгынын ајрылмаз һүгугудур вә бу ҹүр мүдахиләчи бәјанатлар иранлыларын бу саһәдә ирәлиләјиш әзмини гыра билмәз".
Хәтибзадә әлавә едиб: "Һеч бир гәтнамә Иран Ислам Республикасына аерокосмик тәдгигатлары вә онунла бағлы сынаглары, о ҹүмләдән пејкләр саһәсиндә тәдгигатлар апармағы гадаған етмир, беләликлә, БМТ Тәһлүкәсизлик Шурасынын 2231 сајлы гәтнамәсинә истинад етмәк тамамилә јанлышдыр вә көкүндән һәгигәтә ујғун дејил”.
Хәтибзадә һәмчинин гејд едиб ки, Иран һөкумәти вә халгы гејри-гануни вә әдаләтсиз санксијалара бахмајараг, аерокосмик саһәсиндә әлдә етдикләри јерли елми инновасијалар вә динҹ технолоҝијалара ҝөрә, өз алим вә елит өвладларына миннәтдардыр".
Иранын Мүдафиә Назирлији ҹүмә ахшамы өлкәнин јерли истеһсалы олан “Симург” (Феникс) пејк дашыјыҹысынын уғурла космоса бурахылдығыны елан едиб.
«Симург» пејк дашыјыҹысы 250 килограмадәк олан пејкләри јерин 500 километрлик орбитиндә јерләшдирмәк ҝүҹүнә маликдир.
Һәмишә габагҹыл технолоҝијалары инһисара алмаға чалышан АБШ вә бәзи мүттәфигләри иддиа едибләр ки, Иранын космоса ракет вә пејк бурахмасы БМТ Тәһлүкәсизлик Шурасынын 2231 сајлы гәтнамәсинә зиддир.
342/
1 yanvar 2022 - 16:30
Xəbər kodu: 1214428
Иран Ислам Республикасы Хариҹи Ишләр Назирлијинин сөзчүсү елм вә тәдгигатсаһәсиндә, о ҹүмләдән аерокосмик саһәдә ирәлиләјишләрин Иран халгынын ајрылмаз һүгугу олдуғуну билдириб вә дејиб: "Һеч бир гәтнамә Иранын космик програмына вә онунла бағлы сынаглара, о ҹүмләдән пејк дашыјыҹылары саһәсиндә тәтгигатлар апармасына мане олмур".
