АБНА24 Хәбәр Верир, ганун лајиһәси диҝәр мәсәләләрлә јанашы, журналистләрин рејестринин вә ваһид мәтбуат картынын јарадылмасыны нәзәрдә тутур. Јалныз бу карты оланлар вә КИВ-ләри һакимијјәт тәрәфиндән гејдијјатдан кечәнләр журналист статусундан истифадә едә биләҹәкләр. Диҝәрләри онларын фәалијјәтинин, әсасән дә онлара мәһәл гојмајан рәсми мәнбәләрлә иш заманы фәалијјәтләринин мәһдудлашдырылмасы илә үзләшә биләрләр.
Јени ганун һәмчинин хариҹдә јерләшән КИВ-ин ишини даһа да чәтинләшдирәҹәк. Азәрбајҹанда гејдијјаты олмадан һәмин КИВ-ләрин мүхбирләринин фәалијјәти ганунсуз олур.
Бундан әлавә, журналистләр фактлары вә һадисәләри "објектив" шәрһ етмәли, гејри-рәсми мәнбәнин информасијасындан истифадә етмәмәлидирләр.
Тәнгидчи журналистләр дејирләр ки, бунлар, Азәрбајҹан Конститусијасынын информасија азадлығы һаггында 50-ҹи маддәсини вә Авропа Инсан Һүгуглары Конвенсијасынын ифадә азадлығы һаггында 10-ҹу маддәсини позур. Беләликлыә дә дөвләт журналистләрин пешә фәалијјәтинә мүдахилә едәрәк өз сәлаһијјәтләриндән кәнара чыхыр.
Хатырладаг ки, декабрын 28-дә 30-дан чох мүстәгил вә мүхалифәтјөнлү журналист Бакыда парламентин бинасы гаршысында ганун лајиһәсинә етираз едиб.
Бунунла белә парламентин Инсан һүгуглары комитәсинин сәдри Заһид Оруҹ етиразлары јерсиз һесаб едиб. “Ганун кимисә һәбс етмәји вә ја ҹәзаландырмағы нәзәрдә тутмур, ифадә азадлығына гаршы дејил. Азәрбајҹан дөвләти мәтбуатын ҝүҹләнмәсиндә мараглыдыр”-, дејә депутат буҝүнкү чыхышында вурғулајыб.
342/
30 dekabr 2021 - 15:12
Xəbər kodu: 1213878
Азәрбајҹан Республикасынын Милли Мәҹлиси “Медиа һаггында” гануну үчүнҹү охунушда мүзакирәјә чыхарараг ону тәсдигләјиб.
