Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Јүзләрлә ираглы шәнбә ҝүнү ахшам саатларында Ирагда террор үзәриндә гәләбә газанан шәһидләрин хатирәсинә абидә гојулмасына етираз едәнләрә гаршы етираз олараг Бағдад Бејнәлхалг Һава Лиманында јүрүш кечирибләр.
Гәзәбли нүмајишчиләр, Бағдад һава лиманына ҝедән јолда зәфәр шәһидләринин хатирәсинә абидә уҹалдылмасына манеәчилик төрәдән Мустафа әл-Казыми һөкумәтинә етираз олараг Бағдад һава лиманынын гапысына сохулублар.
Нүмајишчиләр, Әл-Казыми һөкумәтинин шәһидләрин фәдакарлыгларыны вә Ирагы мүдафиә етмәләрини рәдд едән мөвгеләрини писләјән шүарлар сәсләндирибләр.
Бу арада Бағдадда кечирилән етираз јүрүшү заманы тәһлүкәсизлик гүввәләри ҝениш шәкилдә иштирак едиб.
Бу ҝүнләрдә бир груп ираглы һадисәјә етираз етмәк үчүн Бағдадда јүрүш етмишди.
Хатырладаг ки, ишғалчы АБШ һәрбчиләри 2019-ҹу ил јанварын 3-дә сәһәр саатларында бамбылы Доналд Трампын әмри илә һәјата кечирилән террор әмәлијјаты нәтиҹәсиндә Сәрдар Сүлејмани вә онун бир сыра көмәкчиләри, о ҹүмләдән Әбу Меһди әл-Муһәндис Бағдад һава лиманыны тәрк етдикдән сонра ракет зәрбәләри илә Шәһид едиләрәк Уҹа Шәһадәт зирвәсини фәтһ едибләр.
Диггәт: Хәбәрдән Истифадә Етдикдә Мәнбәјә Истинад Лазымдыр!
