АБНА24 Хәбәр Верир, Иранлы назирин твиттиндә дејилир: "Бакыја рәсми сәфәрдә мүнасибәтләримизин јени сәһифәси үзәриндә разылыг әлдә олунду. Ҹәнаб Илһам Әлијевлә сәмими ҝөрүшдә әлагәләрин јахшы јол хәритәси һазырланды. Һәмкарым Ҹәнаб Ҹејһун Бајрамов вә парламент сәдри илә фајдалы фикир мүбадиләси апардыг. Әзиз иранлыларла сәмими ҝөрүшүм исә сәфәри тәкмилләшдирди.
Гоншулуг сијасәти приоритет олараг ҝүндәмдәдир."
Севиндириҹи һалдыр ки, сон ајларда ики өлкә арасында мүнасибәтләрдә јаранмыш бәзи анлашылмазлыглара бахмајараг, Теһран вә Бакы арасында мүнасибәтләр сабит инкишаф мәҹрасына дахил олуб.
Иран вә Азәрбајҹан Республикасы арасындакы мүнасибәтләр заман-заман хариҹи сијасәт вә медиа тәлгинләринин тәсири алтына дүшсә дә, ики өлкәнин нәзакәтли дипломатијасы бу мүнасибәтләрин узунмүддәтли ҝәрҝинлијә гуршанмасына имкан вермәјиб. Үмумијјәтлә Иран вә Азәрбајҹан Республикасынын бир-нечә мүһүм сәбәбә ҝөрә бир-биринин мүнасибәтләринә хүсуси бахышы вар.
Биринҹи сәбәб ики мүсәлман өлкәси олараг ҝүҹлү дини, мәдәни вә тарихи јахынлығыдыр.
Икинҹи сәбәб ики өлкәнин әлагәләрини инкишаф етдирмәк, бирҝә лајиһәләри инкишаф етдирмәк вә баша чатдырмаг үчүн мөвҹуд имканлардыр.
Елә бу истигамәтдә өтән һәфтә Иранын енерҝетика назири Әли Әкбәр Меһрабиан Азәрбајҹанын енерҝетика назири Пәрвиз Шаһбазовла онлајн ҝөрүшдә бирҝә електрик стансијасынын тикинтисинә һазыр олдуғуну ачыглајаркән, ики бәндин тамамланмасы илә бағлы фәалијјәтләрин давам етдирилмәси вә инкишаф етдирилмәсинин ваҹиблијини вурғулады.
Үчүнҹү сәбәб Иранын реҝионал ҝәрҝинлији азалтмаг үчүн дипломатик сәјләридир. Гафгаз реҝиону Ермәнистан вә Азәрбајҹан Республикасы арасында узун мүддәтдир давам едән мүнагишәләр вә торпаг мүбаһисәләри сәбәбиндән бөһран вә ҝәрҝинлијә мејллидир.
Иранын принсипиал мөвгеји гоншу өлкәләрин әрази бүтөвлүјүнү дәстәкләмәк вә рәсми ҹоғрафи сәрһәдләрин дәјишдирилмәсинә гаршы чыхмагдыр. Иран бу принсипиал мөвгедән чыхыш едәрәк, Азәрбајҹан Республикасынын әрази бүтөвлүјүнү гәтијјәтлә мүдафиә едиб вә һәр заман бу өлкәнин парчаланмасына гаршы чыхыб.
Бу јанашмалар ҝөстәрир ки, ики өлкә арасында мүнасибәтләрдә бәзи мәсәләләрә ҝөрә фикир ајрылыглары олса да, һәр ики тәрәфдә гаршыја чыхан манеәләри арадан галдырмаг, Теһран- Бакы әлагәләрини инкишаф етдирмәк, анлашылмазлыглары арадан галдырмаг үчүн ҹидди ирадә вар. Иран хариҹи ишләр назиринин Бакыја сәфәри бу призмадан мүнасибәтләрин инкишафында јени аддым кими дәјәрләндирилмәлидир.
342/
26 dekabr 2021 - 13:19
Xəbər kodu: 1212521
Иран Ислам Республикасы Хариҹи Ишләр Назирлијинин башчысы Һүсејн Әмир-Абдуллаһијан Азәрбајҹан Республикасына сәфәринин јекунлары илә бағлы јаздығы твиттдә Бакы сәфәринин мәһсулдар олдуғуну билдириб.
