Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Али Мәһкәмәдә ләғв едилмиш Милли Тәһлүкәсизлик Назирлијинин (МТН) Енерҝетика вә Нәглијјат Саһәләриндә Тәһлүкәсизлик Баш Идарәсинин сабиг рәиси, ҝенерал-мајор Акиф Човдаровун кассасија шикајәти үзрә мәһкәмә иҹласы баша чатыб.
Һаким Әзиз Сејидовун сәдрлији илә кечирилән просесдә гәрар елан едилиб.
Гәрара әсасән, кассасија шикајәти гисмән тәмин олунуб вә иш јенидән бахылмасы үчүн Бакы Апеллјасија Мәһкәмәсинә ҝөндәрилиб.
Хатырладаг ки, А.Човдаров барәсиндә олан мәһкәмә һөкмү илә бағлы она бәраәт верилмәси вә мүсадирә едилән әмлакларынын ҝери гајтарылмасы үчүн Али Мәһкәмәјә мүраҹиәт едиб.
Гејд едәк ки, Елдар Маһмудов МТН-ә рәһбәрлик етдији 11 ил әрзиндә әтрафында олан ҝенераллардан Акиф Човдаров онун “вуран әли” һесаб едилирди. Тәсадүфи дејил ки, МТН-дәки мәлум әмәлијјатдан сонра нүмајишкаранә шәкилдә зиндана салынан да мәһз Акиф Човдаров олмушду. А.Човдаров 2015-ҹи илдә һәбс едилиб.
Бакы Һәрби мәһкәмәси сонрадан Акиф Човдарову 12 ил мүддәтинә азадлыгдан мәһрум етди. Һәбсинин 4 илиндән бир гәдәр артығыны мәһбәсдә кечирәндән сонра Акиф Човдаров Илһам Әлијевин апрелин 6-да «Мәһкум едилмиш бир сыра шәхсләрин әфв олунмасы һаггында» сәрәнҹамы илә әфв олунуб (!), азадлыға бурахылды. Онун әфвлә азад едилмәсиндә јашынын нәзәрә алындығы елан олунса да, бир чохлары буну Елдар Маһмудовун нүфузунун нәтиҹәси һесаб едир...
Диггәт: Хәбәрдән Истифадә Етдикдә Мәнбәјә Истинад Лазымдыр!
