АБНА24 Хәбәр Верир, Иранын хариҹи ишләр назири Һүсејн Әмир-Абдуллаһијан дүнән ахшам Бакыда Азәрбајҹан Республикасы Милли Мәҹлисинин сәдри Саһибә Гафарова илә ҝөрүшдә ики өлкә президентләринин Ашгабад ҝөрүшүндә Иран әразиси васитәсилә Түркмәнистандан Азәрбајҹан Республикасына газ суапы разылашмасына ишарә илә дејиб ки, ҝәлән ил јанварын бириндән Түркмәнистан газынын Иран әразиси васитәсилә Азәрбајҹан Республикасына нәгли башланаҹаг.
Иранын хариҹи ишләр назири сөјләјиб: Биз бүтүн саһәләрдә өз әмәкдашлыгларымызы сүрәтләндирмәк вә мүхтәлиф саһәләрдәки анлашмаларымызы ҝүҹләндирмәк әзминдәјик.
Ики өлкә парламентләринин бу саһәдә мүһүм рол ојнаја биләҹәкләрини вурғулајан Әмир-Абдуллаһијан билдириб ки, Иран Азәрбајҹан Республикасынын азад едилмиш әразиләринин бәрпасында фәал иштирака һазырдыр.
Иран хариҹи ишләр назиринин Бакыја сәфәрини ики өлкә әлагәләринин ҝәләҹәји үчүн өнәмли адландыран Азәрбајҹан Республикасы Милли Мәҹлисинин сәдри ики өлкәнин тарихи, дини вә мәдәни ортаглыгларына ишарә илә гејд едиб ки; Иран 1991-ҹи илдә Азәрбајҹан Республикасынын суверенлијини рәсмән таныјан вә өлкәмизлә дипломатик әлагәләр гуран илк өлкәләрдән олуб.
Саһибә Гафарова Азәрбајҹан Республикасы вә Иран башчыларынын гаршылыглы әлагәләрин гурулмасындакы ролуну мүһүм адландырыб. Билдириб ки, һал-һазырда бу өлкә парламентиндә Иран-Азәрбајҹан Республикасы парламент достлуғу групу фәалијјәт ҝөстәрир.
Азәрбајҹан Республикасы Милли Мәҹлисинин сәдри һәмчинин Иран вә Азәрбајҹан Республикасынын парламент үзвләринин бејнәлхалг сәвијјәдә бу өлкәләрин мөвгеләрини гаршылыглы сурәтдә һимајә етмәләрини тәгдирәлајиг вә әһәмијјәтли адландырыб.
342/
23 dekabr 2021 - 12:47
Xəbər kodu: 1211569
Иранын хариҹи ишләр назири вә Азәрбајҹан Республикасы Милли Мәҹлисинин сәдри икитәрәфли вә парламент һәмкарлыгларынын ҝенишләндирилмәсинә тәкид едибләр.
