АБНА24 Хәбәр Верир, Пекрес франсалы депутатлар Бруно Ритеиро вә Мишел Барнје илә бирликдә Ханкәндиндә гондарма дағлыг гарабағ республикасынын башчысы Арајик Арутјунјан вә диҝәр сепаратчыларла о ҹүмләдән “Арсах”-ын руһани лидери илә ҝөрүшүб.
Канал.аз ермәни медиасына истинадла хәбәр верир ки, онун Ермәнистана сәфәринин рәсми програмында Гарабаға сәфәри нәзәрдә тутулмајыб.
“Президентлијә намизәд Ермәнистана үч ҝүнлүк сәфәринин сонунда президент Арајик Арутјунјанла ҝөрүшәрәк Арсах Республикасына дәстәјини нүмајиш етдирмәк истәјиб”, – Франса нәшри ЛеФигаро јазыр.
Франса президентлијинә намизәд сәвијјәсиндә бир шәхсин Гарабаға сәфәри һеч шүбһәсиз ки, Русија сүлһмәрамлылары илә өзү дә ән јүксәк сәвијјәдә вә бөјүк еһтималла дөвләтләр арасында координасија едилиб.
Бу сәвијјәдә бир әҹнәбинин Гарабаға сәфәрини тәшкил етмәк Русија сүлһмәрамлылары үчүн бир илк олса да, онлар сон бир иллик фәалијјәтләри дөврүндә әҹнәбиләрин Азәрбајҹан Республикасы торпагларына бу кими сәфәрләринә шәраит јарадыблар.
Сон вахтлар Азәрбајҹан вә Ермәнистан рәһбәрләрини ҝөрүшдүрән Франсанын һазыркы президенти Емануел Макрон да анти-Азәрбајҹан мөвгеји илә таныныр.
342/
23 dekabr 2021 - 12:41
Xəbər kodu: 1211561
Франса президентлијинә намизәд Валери Пекрес Гарабаға ганунсуз сәфәр едиб.
