Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, “Азәрбајҹанла Иран арасындакы мүнасибәтләрин әсасыны дәрин тарихи көкләр, мәдәни-тарихи бағлылыглар тәшкил едир”.
Буну Азәрбајҹанын хариҹи ишләр назири Ҹејһун Бајрамов иранлы һәмкары Һүсејн Әмир Абдуллаһианла кечирдији мәтбуат конфрансында дејиб.
О билдириб ки, Азәрбајҹанла Иран арасында бир сыра сәнәдләр имзаланыб.
Ҹејһун Бајрамовун сөзләринә ҝөрә, бу ҝүн иранлы һәмкары илә икитәрәфли мүнасибәтләрин инкишаф етдирилмәси мүзакирә олунуб.
“Өлкәләримиз арасындакы мүнасибәтләрдән данышаркән биз игтисади-тиҹари әлагәләри гејд етмәлијик. Азәрбајҹанла Иран арасындакы тиҹарәт дөвријјәсинин һәҹми 23 фаиз артыб”, - дејә Ҹејһун Бајрамов әлавә едиб.
Диггәт: Хәбәрдән Истифадә Етдикдә Мәнбәјә Истинад Лазымдыр!
