АБНА24 Хәбәр Верир, Ҹозеп Боррел Брүсселдә декабрын 15-дә кечирилән Шәрг Тәрәфдашлығы саммити һагда јаздығы мәгаләдә Азәрбајҹан вә Ермәнистан лидерләринин ҝөрүшүнә тохунараг ону јүксәк гијмәтләндириб.
Авропа Иттифагынын дипломатик хидмәтинин рәсми сајтында дәрҹ едилән мәгаләдә дејилир: “Бу һејрәтамиздир ки, илк дәфә Ермәнистанын баш назири вә Азәрбајҹан президенти ачыг гаршыдурманын әвәзиндә Шәрг Тәрәфдашлығы саммитиндә конструктив шәрһләрлә чыхыш етдиләр. Бу исә саммит әрәфәсиндә һәр ики лидерлә ҝәрҝин вә мәһсулдар ҝөрүшләр кечирән президент Шарл Мишелин рәһбәрлији алтында һәјата кечирилән васитәчилик сәјләри сајәсиндә мүмкүн олду. Мән бу ҝөрүшүн нәтиҹәләрини вә тәрәфләрин конкрет лајиһәләрдә иштирак етмәјә, барышыға апаран јолу ачан идејалары дәстәкләмәјә һазыр олмасыны алгышлајырам. Ҝөрүш реҝионда мүнагишәнин арадан галдырылмасы, етимад мүһитинин јарадылмасы вә реҝионда мөһкәм сүлһүн гурулмасында АИ-нин Ермәнистан вә Азәрбајҹанла сых әмәкдашлыға садиг олдуғуну тәсдигләди”, -дејә Жозеп Боррел јазыр.
342/
22 dekabr 2021 - 13:14
Xəbər kodu: 1211194
Авропа Иттифагынын хариҹи сијасәт рәһбәри Брүсселдәки Әлијев-Пашинјан данышыгларыны “һејрәтамиз” адландырыб.
