АБНА24 Хәбәр Верир, Иранын Азәрбајҹандакы сәфирлијиндән верилән мәлумата ҝөрә, назирин бирҝүнлүк сәфәр чәрчивәсиндә Бакыја ҝәлиб.
Ҝөрүшләрдә икитәрәфли әмәкдашлығын инкишаф перспективләри вә актуал реҝионал мәсәләләр мүзакирә олунур.
Сәфәр өнҹәси Һ.Ә.Абдуллаһијан Иранын ЫРЫБ телеканалына мүсаһибәсиндә дејиб: "Өтән ики ајда Азәрбајҹан Республикасынын бәзи јүксәк вәзифәли рәсмиләринин Теһрана ҝедиш-ҝәлишләринин шаһиди олдуг. Бу ај ики өлкәнин президентләри Ибраһим Рәиси вә Илһам Әлијев Игтисади Әмәкдашлыг Тәшкилатынын (ЕКО) Ашгабатда кечирилән саммити чәрчивәсиндә ҝөрүшүбләр. Ҝөрүш мүсбәт вә конструктив олду”.
Бакыда исә журналистләрә ачыглама верән Иран ХИН рәһбәри билдириб ки, ики өлкә әмәкдашлыгларынын даһа да ҝенишләндирилмәси үчүн мүхтәлиф идејалары вар вә онлары Азәрбајҹан Республикасынын президенти илә ҝөрүшдә ачыглајаҹаг.
Ҹари сәфәрдә Азәрбајҹан тәрәфилә јүксәк мүстәвидә ҝөрүшләрин кечириләҹәјини дејән Иран ХИН рәһбәри, сон үч ајда Азәрбајҹанлы һәмкары илә чохлу тәмаслар гурдуғуну вә әмәкдашлығын ҝенишләндирилмәси үчүн јахшы форматларын јарандығыны дејиб.
О билдириб ки, әмәкдашлыг истигамәтиндә јени форматларла бағлы ишләр Азәрбајҹан Республикасынын президенти илә ҝөрүшдә јекунлашаҹаг.
“Бундан сонра ики өлкә арасында игтисади, тиҹари вә мәдәни саһәләри үзрә нүмајәндә һејәтләринин гаршылыглы сәфәләринин даһа чох шаһиди олаҹағыг”, дејә Һ.Абдуллаһијан билдириб.
342/
22 dekabr 2021 - 13:13
Xəbər kodu: 1211192
Иран Ислам Республикасынын хариҹи ишләр назири Һүсејн Әмир Абдуллаһијан Азәрбајҹанда сәфәрдәдир.
