АБНА24 Хәбәр Верир, тәһсил назири Емин Әмруллајев мәтбуат брифингдә дејиб: “Инсанлар истәнилән мөвзуда клип чәкә биләрләр. Садәҹә онун мәктәбдә чәкилмәси бизим проседурлара зиддир. Һәтта маарифләндирмә илә бағлы да Тәһсил Назирлијиндән иҹазә алынмалыдыр. Бу һалда белә бир иҹазә алынмамышды.
Назир клипин чәкилиши заманы валидејнләрин дә иштирак етдијини билдириб: “Биз мәктәбләрдә бу тип фәалијјәтин олмасыны гејри-гануни һесаб едирик. Һәмин мәктәб директору ҹәзаландырылыб, барәсиндә интизам тәдбири ҝөрүлүб”.- дејә Емин Әмруллајев билдириб.
Гејд едәк ки, Назирин ишарә етдији клип Шаҝирдләрин иштиракы илә 12 имама һәср олунмуш видеодан ибарәтдир. Мәрсијәхан Сејид Пејман Борадҝаһинин мүәллим ролунда гатылдығы клипдә шаҝирдләр 12 имама маһны охујараг, һәрәси бир имамын адыны садалајыр, онларын ады јазылан кағызлары ҝөстәрирләр. Әслиндә клип 12 имамы танымаг вә онларын адларыны өјрәнмәк үчүн мәарифләндирмә характери дашыјыр.
Клипин јајылмасындан сонра тәһдидләрә мәруз галан мәрсијәхан һәмин клипи сосиал шәбәкәсиндән силиб.
342/
21 dekabr 2021 - 13:15
Xəbər kodu: 1210822
Азәрбајҹан Республикасы тәһсил назири сон һәфтәләр имамларын адлары мөвзусунда мәктәбли шаҝирдләрин иштиракы илә чәкилән клипә мүнасибәт билдирәркән дејиб: “Дини клипин һансы мәктәбдә чәкилмәси барәдә мәлуматымыз вар. Мәктәб бинасы һансыса дини, сијаси месажларын пајлашылмасы үчүн јер олмамалыдыр”.
