АБНА24 : Авропа Иттифагы Шурасынын Президенти Шарл Мишелин тәшәббүсү илә 14 декабр 2021-ҹи ил тарихиндә Брүсселдә Азәрбајҹан Республикасынын Президенти Илһам Әлијев вә Ермәнистан Республикасынын баш назири Никол Пашинјанын үчтәрәфли ҝөрүшүнүн, һабелә Азәрбајҹан Республикасы Президенти илә Авропа Иттифагы Шурасынын Президенти арасында кечирилмиш икитәрәфли ҝөрүшүн нәтиҹәси олараг, Азәрбајҹан Республикасы 19 декабр 2021-ҹи илдә 10 нәфәр ермәни әсилли һәрби гуллугчуну Авропа Иттифагынын васитәчилији илә Ермәнистан тәрәфинә тәһвил вериб.
Азәрбајҹан Республикасынын Әсир вә иткин дүшмүш, ҝиров ҝөтүрүлмүш вәтәндашларла әлагәдар Дөвләт Комиссијасынын билдирдијинә ҝөрә, тәһвил верилмиш шәхсләр 16 нојабр 2021-ҹи ил тарихиндә Ермәнистан силаһли гүввәләри тәрәфиндән дөвләт сәрһәдинин Кәлбәҹәр истигамәтиндә төрәдилән тәхрибатын гаршысы алынаркән сахланылыб.
Авропа Иттифагы (АИ) Шурасынын Президенти Шарл Мишел Азәрбајҹан тәрәфинин сахланылан ермәни һәрбчиләри Ермәнистан тәрәфә тәһвил верилмәсини алгышлајыб.
Шарл Мишел бу барәдә "Тwиттер"дә пајлашым едиб.
“Бу Брүсселдә мүзакирә едилдији кими етимады ҝүҹләндирмәк үчүн гаршылыглы ирадәни нүмајиш етдирән мүһүм һуманитар жестдир", - дејә о билдириб.
АИ Шурасынын Президенти гејд едиб ки, АИ тәрәфи сахланыланларын Ирәвана трансферин һәјата кечириб.
Азәрбајҹан Республикасы 4 декабр 2021-ҹи ил тарихиндә дә гаршы тәрәфә 10 нәфәр ермәни әсилли һәрби гуллугчуну тәһвил вермишди.
Шарл Мишелин бу тәшәббүсү гаршылыглы етимадын ҝүҹләндирилмәси истигамәтиндә гијмәтләндирмәсинә бахмајараг, индијәдәк нә Русија нә дә АИ тәрәфиндән Ермәнистандан да етимадын ҝүҹләндирилмәси үчүн һансыса тәшәббүс һәјата кечирмәси тәләб олунмајыб.
342/
19 dekabr 2021 - 13:07
Xəbər kodu: 1210117
Азәрбајҹан Республикасы 10 тәхрибатчы ермәни һәрбчини Авропа Бирлији Шурасынын тәләби илә Ермәнистана тәһвил вериб. Һәмин һәрбчиләрин кәлбәҹәрдә Азәрбајҹан Республикасы һәрбчиләринә гаршы һүҹум әмәлијјатында сахланылдыглары дејилир.
