АБНА24 Хәбәр Верир, Мәһәммәд Ҹавад Һаҹы Әли Әкбәри Теһранын буһәфтәки ҹүмә намазы хүтбәләриндә белә дејиб: Мүзакирәләрин меһвәри, санксијаларын бирликдә арадан галдырылмасы вә авропалы вә америкалы тәрәфләрә өһдәлијин гәбул етдирилмәси олуб. Һазырда нүвә анлашмасы тәрәфләри онларын әһди позмаларына рәғмән, Иранын бу мүзакирәләрдә иштиракыны рәғбәтлә гаршыламалыдырлар.
Теһранын ҹүмә намазы хитабәтчиси әлавә едиб: Иранлы һејәт гүввәт вә тәшәббүслә мејдана ҝириб. Гаршы тәрәф имтијаз алмаг, иранлы мүзакирә һејәтинин тәмәркүзүнү позмаг вә Иранын дахилиндә ҝәрҝинлик јаратмаг үчүн тәһриф хәттини изләјир, лакин буна наил олмајаҹаг.
Һаҹы Әли Әкбәри белә гејд едиб: Онлар әһди поздулар вә инди мүзакирәни рәғбәтлә гаршыламалыдырлар. Мүзакирәләрин меһвәри дә санксијаларын бирликдә арадан галдырылмасы, авропалы вә америкалы тәрәфләрә өһдәлијин гәбул етдирилмәсидир. Онлар һашијәләрлә мәшғул олмамалыдырлар.
Теһранын ҹүмә намазы хитабәтчиси бәзи гәрбли рәсмиләрин Ирана гаршы авантүра барәдәки тәһдидләрини хатырладыб вә белә сөјләјиб: Бәзи Гәрб өлкәләринин бу саһәдәки мөвгеләри даһа чох јумора бәнзәјир вә өзләри дә билирләр ки, һеч бир јанлыш һәрәкәт едә билмәзләр.
Һаҹы Әли Әкбәри әлавә едиб: Үмид едирик ки, дипломатија саһәсиндә дә иранлы дипломатларын лајигли гәләбәләринин шаһиди олаҹағыг. Әлбәттә, санксијаларын арадан галдырылмасы, мәсәләнин бир тәрәфидир. Әсас мәсәлә, санксијаларын зәрәрсизләшдирилмәсидир. Санксијаларын зәрәрсизләшдирилмәси, јалныз дахили баҹарыға сөкәнмәклә мүмкүн олаҹаг.
342/
18 dekabr 2021 - 15:02
Xəbər kodu: 1209774
Теһранын ҹүмә намазы хитабәтчиси вурғулајыб ки, мүзакирәләрин меһвәри, санксијаларын бирликдә арадан галдырылмасыдыр.
