АБНА24 Хәбәр Верир, аналитик Овсеп Хуршудјан һесаб едир ки, Авропа Иттифагынын Ҹәнуби Гафгазда ҝедән просесләрә гошулмасы Азәрбајҹанын Сүникдән кечән дәһлизи әлдә етмәк үчүн – онун ифадәси илә десәк- тәҹавүз еһтималыны азалдыр. О, гејд едиб ки, Азәрбајҹан үчтәрәфли 10 нојабр разылашмасында јер алмыш "манеәсиз әлагә" ифадәси илә манипулјасија едир вә бунунла да Нахчыванла нәглијјат әлагәсини Лачын дәһлизинин статусу илә ејниләшдирмәјә ҹәһд едир. Онун сөзләринә ҝөрә, Авропа Иттифагы анладыб ки, екстраәрази дәһлизләр јолверилмәздир.
Сијаси аналитик сонра дејиб: "Бејнәлхалг сијасәт вә дипломатијада һәр терминин өз мәнасы вар. Үчтәрәфли бәјанатда јалныз бир дәһлиз-Лачын дәһлизиндән сөһбәт ҝедир, бәјанатда тәкҹә Араз чајы бојунҹа дәмирјолу әлагәсиндән дејил, бүтүн коммуникасијаларын ачылмасындан данышылыр. Бу исә о демәкдир ки, Гарс-Ҝүмрү дәмирјолу әлагәси дә ачылмалыдыр. Азәрбајҹан Тбилисидән Нахчывана, орадан да Ермәнистан әразисиндән кечә биләр. Бу маршруту ишә салмаг даһа оперативдир, нәинки јени јол чәкмәк.
Хуршудјан гејд едиб ки, Азәрбајҹан просеси ләнҝитмәјә ҹәһд едәҹәк, чүнки Сүникдән дәһлиз әлдә етмәк истәјир ки, Ермәнистаны ҝәлирләрдән мәһрум етсин. Лакин Азәрбајҹана дәһлиз верилмәјәҹәк, бу, Ермәнистан үчүн гырмызы хәттдир,- дејә о, вурғулајыб.
Аналитик гејд едиб ки, Авропалыларын делимитасија вә демаркасија просесиндә иштиракы јүксәк стандартлары тәмин едәҹәк. Бундан башга, Авропа Русијаны һәр ики тәрәфә тәзјиг етмәклә өз марагларыны јеритмәк имканындан мәһрум едәҹәк.
342/
18 dekabr 2021 - 14:56
Xəbər kodu: 1209765
Ермәиләр Брүссел ҝөрүшүнүн нәтиҹәләриндән разы галыблар. Ермәни политолог бу мәсәләни ҝениш тәһлил едиб.
