АБНА24 Хәбәр Верир, Русија ХИН рәсмиси Ермәнистан Түркијә мүнасибәтләриндән данышыб. Мариа Захарова дејиб ки, Ермәнистан-Түркијә мүнасибәтләринин нормаллашмасы реҝиондакы үмуми вәзијјәтин сағламлашмасына јардым едәҹәк. Әлбәттә ки, реҝионда өлкәләр вә халглар арасында сағлам меһрибан гоншулуг, етимад мүһитинин формалашмасына көмәк едәҹәк.
М. Захарова декабрын 10-да Москвада “3+3” реҝионал әмәкдашлыг форматында кечирилән биринҹи иҹласдан да данышыб: “Бу форматдакы ҝөрүшдә Ермәнистан вә Түркијәнин нүмајәндәләри дә иштирак едирдиләр. Фикримизҹә, бу формат да Ермәнистан вә Түркијә арасында јахынлашмаја көмәк едир. Бир даһа гејд едим ки, биз Түркијә вә Ермәнистан тәрәфиндән атылан гаршылыглы етимадын јаранмасына көмәк едәҹәк бүтүн аддымлары алгышлајаҹағыг вә јардым едәҹәјик”.
Русија рәсмиси һәмчинин Азәрбајҹанла Аврасија Игтисади Иттифагы арасында диалогун тиҹарәтә тәкан верә биләҹәјини сөјләјиб. "Азәрбајҹанла Аврасија Игтисади Иттифагы арасында әмәкдашлыг тиҹарәт әлагәләринә, ҝениш инфраструктур лајиһәләринин һәјата кечирилмәсинә тәкан верәҹәкдир.
Русија Хариҹи Ишләр Назирлијинин (ХИН) сөзчүсү Марија Захарова Азәрбајҹанын сөзүҝедән тәшкилатда мүшаһидәчи статус ала биләҹәји барәдә Газахыстанын илк президенти Нурсултан Назарбајевин фикирләрини шәрһ едәркән билдириб: “Азәрбајҹанла гурум арасында истәнилән форматда диалогун инкишаф етдирилмәси гаршылыглы тиҹарәт әлагәләрин артмасына, реҝиондакы нәглијјат јолларынын ачылмасына, ири инфраструктур лајиһәләринин һәјата кечирилмәсинә сәбәб ола биләр. Бунунла белә, бирлик чәрчивәсиндә әмәкдашлыг сәвијјәсинин артырылмасына даир гәрарларын бүтүн үзв дөвләтләрин разылығы илә верилдији дә нәзәрә алынмалыдыр”, - дејә Захарова вурғулајыб. Бунунла да Русија ХИН нүмајәндәси, тәшкилатын интеграсија вә әмәкдашлыг гурмагда мараглы олан дөвләтләрин үзүнә ачыг олдуғуну да әлавә едиб.
342/
16 dekabr 2021 - 15:11
Xəbər kodu: 1209305
Русија Ҹәнуби Гафгаздакы фәаллығына бөјүк үмид бәсләјир; 3+3 форматы вә Аврасија Иттифагы јени васитәләрдир.
