Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Русија полиси Москва јахынлығындакы православ мәктәбиндә бир јенијетмәнин өзүнү партлатдығыны билдириб.
Тәһлүкәсизлик гүввәләри һүҹумчунун мәктәбә ҝирдикдән сонра бинанын ичәрисиндәки бомбаны ишә салдығыны билдирир. Һүҹум Сeрпухов шәһәриндә баш вериб.
Русија Дахили Ишләр Назирлији һүҹум едән шәхсин 18 јашлы јенијетмә вә ејни мәктәбин кечмиш шаҝирди олдуғуну мүәјјән едиб. Ачыгламада билдирилиб ки, полис әмәкдашлары һадисәнин илк дәгигәләриндә һадисә јериндә олуб вә мәктәби тәхлијә едибләр.
Русија Дахили Ишләр Назирлијинин рәсми ачыгламасына ҝөрә, һадисә нәтиҹәсиндә һүҹум едән шәхс вә 15 јашлы јенијетмә дә дахил олмагла 7 нәфәр јараланыб.
Диггәт: Хәбәрдән Истифадә Етдикдә Мәнбәјә Истинад Лазымдыр!
