АБНА24 Хәбәр Верир, ИРИБ-ин мәлуматына ҝөрә, Ливанын "Сур" шәһәриндәки "Бурж әл-Шимали" фәләстинли гачгын дүшәрҝәсиндә оксиҝен капсулу анбарында баш вермиш партлајыш нәтиҹәсиндә һәлак оланларын дәфн мәрасиминдә 3 нәфәр өлүб, 7 нәфәр исә јараланыб.
Јерли мәнбәләр намәлум силаһлы шәхсләрин дәфн мәрасиминдә иштирак едәнләрә атәш ачмасы вә онларла дүшәрҝәнин тәһлүкәсизлик гүввәләри арасында тоггушманын баш вермәсиндән хәбәр верибләр.
Ливан тәһлүкәсизлик гүввәләри атышманын сәбәбләрини арашдырыр.
Ливан Гырмызы Хач Ҹәмијјәти дә атышма нәтиҹәсиндә өлән вә јаралананларын сајынын артаҹағыны истисна етмәјиб.
Гејд едәк ки, ҹүмә ҝүнү Ливанын "Сур" шәһәриндәки "Бурж әл-Шимали" фәләстинли гачгын дүшәрҝәсиндә дизел чәнинин јанмасындан сонра јанғын јахындакы мәсҹидә вә бир силаһ анбарына кечәрәк, партлајыша сәбәб олуб.
Партлајыш нәтиҹәсиндә 12 нәфәр өлүб, 20 нәфәр исә јараланыб.
342/
13 dekabr 2021 - 13:37
Xəbər kodu: 1208124
Ливанын ҹәнубунда јерләшән Фәләстин дүшәрҝәсиндә оксиҝен капсулу анбарында баш вермиш партлајышын гурбанларынын дәфн мәрасиминдә 10 нәфәр өлүб вә ја јараланыб.
