АБНА24 : Губад Ибадоғлу дејиб: Бүдҹәни талајан коррупсионерләр үчүн илин ән јахшы ајы декабр ајы һесаб олунур. Чүнки јола салыдғымыз һәр илин сон ајы бүдҹә коррупсијасынын инкишафынын пик ајыдыр. Нөвбәти илә галыг галмасын дејә бу ај әрзиндә сәнәдләрдә хәрҹләмәләр, јәни силинмәләр әввәлки ајларла мүгајисәдә дәфәләрлә артыр, бир сөзлә коррупсионерләр бүдҹә вәсаитләри һесабына газ вуруб газан долдурурлар вә белә мәнимсәмәләр он илләрдир ки, давам едир. Елә буна ҝөрә дә бүдҹә таланчылары декабрын тез јох, әксинә ҝеҹ баша чатмасыны арзулајырлар, чүнки, онлар декабрда демәк олар ки, һәр ҝүн бүдҹәни мәнимсәмәклә мәшғулдурлар.
Игтисадчы өз иддиасыны әсасландырмаг үчүн билдириб: Өтән илин илк 11 ај үзрә орта ајлыг бүдҹә хәрҹләринин мәбләғинин 2014,8 млн. манат тәшкил етмәсинә бахмајараг, јалныз декабр ајында хәрҹләмәләр орта ҝөстәриҹидән 2,1 дәфә чох олуб. Белә ки, 2020-ҹи илин декабр ајында хәрҹләнән вәсаит өтән ил үзрә үмуми бүдҹә хәрҹләринин 16,1 фаизини тәшкил едиб.
Губад Ибадоғлу гејд едиб ки, бүдҹә вәсаитләринин сәси, сорағы Лондонун әмлак базарындан, Исвечрә банкларындан ҝәлир.
342/
12 dekabr 2021 - 11:40
Xəbər kodu: 1207826
Игтисадчы експерт Азәрбајҹан Республикасында ҝәлән ил үчүн јазылан бүдҹәјә ҝөрә нараһатлығыны билдириб.
